Bakı/06.12.19/Turan: Baş Prokurorluq 2018-ci il iyulun 3-də “Yunis Səfərovun xarici dövlətlərdə fəaliyyət göstərən radikal dini dairələri təmsil edən mütəşəkkil dəstənin tərkibində” Gəncə Şəhər İcra Hakimiyyətinin başçısı və polis əməkdaşına qarşı törətdiyi “terror aktı”na dair cinayət işinin istintaqı başa çatıb. Bu barədə cümə günü Baş Prokurorluğun mətbuat xidməti məlumat yayıb.
Prokurorluq bildirib ki, terror aktı Azərbaycanda konstitusiya quruluşunun zorla dəyişdirilməsinə, şəriət qanunlarına əsaslanan idarə üsulunun təşkilinə yönəlmişdi.
İstintaq dekabrın 5-də başa çatıb və Y.Səfərov da daxil olmaqla, mütəşəkkil cinayətkar qrupun 12 iştirakçısının barəsində iş Ağır Cinayətlər Məhkəməsinə göndərilib.
11 nəfərin barəsində isə beynəlxalq axtarış elan edilib, məlumatda deyilir.
* Xatırladaq ki, 2018-ci il iyulun 3-də Gəncə şəhər sakini, 35 yaşlı Yunis Səfərov Gəncə Şəhər İcra Hakimiyyətinin başçısına və onun mühafizəçsinə atəş açıb. O saxlanılıb.
İyulun 10-da şəhərin bir neçə yüz sakini İcra Hakimiyyətinin binası qarşısında toplaşaraq Y.Səfərovu dəstəkləyib, şəhər sakinlərini davamlı şəkildə təhqir etdiyinə görə icra başçısının hərəkətlərini pisləyiblər.
Mitinq polis tərəfindən dağıdılıb, iki polis zabiti həlak olub. Bundan sonra 60-dan çox adam həbs olunub. Onların çoxu artıq mühakimə edilib. Beş nəfər saxlanma zamanı həlak olub. -02D-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz