Saat 11:30-a olan məlumata görə, Gəncədə yaşayış binasının dağıntıları altından daha iki nəfərin cəsədi çıxarılıb. Bu, 1971-ci il təvəllüdlü Nigar Tağıyeva və 1994-cü il təvəllüdlü Hüseyn Heydərovdur.
Beləliklə, dörd mərtəbəli yaşayış binasında partlayış nəticəsində həlak olanların sayı 3 nəfərə çatıb, bir nəfər yaralı isə xəstəxanaya yerləşdirilib.
FHN başçısı Kəmaləddin Heydərov partlayış yerinə gəlib, o, xilasetmə işlərinin aparılmasına rəhbərlik edir. -02D-
* * *
2018 Noyabr 20 (Çərşənbə axşamı) 11:47:18
Gəncədə yaşayış binasında partlayış, həlak olan və yaralananlar var
Bakı/20.11.18/Turan: Çərşənbə axşamı səhər saatlarında Gəncədə yaşayış binasında partlayış baş verib. FHN-in məlumatına görə, partlayışın səbəbi qaz sızmasıdır.
Nəticədə üç blokdan ibarət olan yaşayış binasının bir bloku tamamilə uçub, xəbəri yerli "Kəpəz TV" telekanalı yayıb.
FHN-in xilasediciləri dağıntıların altından zərərçəkmişləri çıxarır. Mənbənin məlumatına görə, bir nəfərin cəsədi aşkar edilib. Bu, 1994-cü il təvəllüdlü Cümə Cüməzadədir. Həmçinin, 21 yaşlı Orxan Məmmədli dağıntıların altından xilas edilib.
FHN yaşayış binasının dağıntıları altında qalanların axtarışı və xilas edilməsi üçün Bakıdan əlavə xilasedici və kinoloq briqadaları göndərib. -02D-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz