Bakı/23.04.19/Turan: Dünən axşam saatlarında Gəncə şəhər İcra Hakimiyyətinin binası qarşısında dünən keçirilmiş etiraz aksiyasının fəal iştirakçıları saxlanılıb və polisə aparılıb, bu barədə Turan-a Siyasi Məhbusları Müdafiə Mərkəzinin rəhbəri Oqtay Gülalıyev bildirib. Onun sözlərinə görə, saxlanılanlar Gəncədə 2018-ci il iyul hadisələri ilə bağlı həbs edilmiş şəxslərin anaları idi. Bir neçə saat sonra onlar hamısı sərbəst buraxılıb.
"Onlardan izahat alınıb, aksiya keçirməyin və həbs edilənlərə işgəncə verən Gəncə polis rəisinin və şəhər prokurorluğunun əməkdaşının cəzalandırılması tələblərinin yolverilməz olduğu barədə xəbərdarlıq edilib", deyə Gülalıyev bildirib.
DİN-dən və Gəncə Şəhər Baş Polis İdarəsindən şərh almaq mümkün olmayıb.
* Xatırladaq ki, Gəncədə 2018-ci il iyul hadisələri ilə bağlı həbs edilmiş şəxslərin ailə üzvləri aprelin 22-də Şəhər İcra Hakimiyyətinin binası qarşısında etiraz aksiyası keçiriblər.
Valideynlər övladlarının həbsini qanunsuz və saxta hesab edir və onların azad edilməsini tələb edirdilər. Polis valideynləri binadan uzaqlaşdırıb və həbs edilmiş övladlarının portretlərini onların əllərindən alıb.
** 2018-ci ilin iyulunda Gəncədə şəhər icra başçısı Elmar Vəliyevə sui-qəsd olub. Səbəb onun kobud davranışı və şəhər sakinlərini müntəzəm olaraq təhqir etməsi olub. Sui-qəsdi törədən şəhər sakini Yunis Səfərov Vəliyevə atəş açıb, onu yaralayıb və saxlanılıb.
10 gün sonra şəhərdə Səfərovun azad edilməsi və şəhər icra hakimiyyətinin başçısının davranışına qiymət vermək tələbi ilə iğtişaşlar baş verib. Mitinq iştirakçılarının polislə qarşıdurması zamanı iki polis zabiti öldürülüb.
Bundan sonra etirazçıların kütləvi həbsləri və təqibləri başlayıb. Hakimiyyət radikal islamçıları iğtişaşlar təşkil etməkdə ittiham edib. -0-
Cəmiyyət
-
Yanvarın 14-də Ermənistan və Amerika Birləşmiş Ştatları (ABŞ) arasında strateji tərəfdaşlıq haqqında xartiya imzalandı. ABŞ Dövlət katibi Antoni Blinken bu sənədlə bağlı danışarkən vurğulayıb ki, onlar Ermənistanla onun suverenliyi və ərazi bütövlüyünü qorumaq üçün səyləri gücləndirmək üzərində işləyirlər. O, strateji tərəfdaşlıq haqqında sənədin “daha dayanıqlı, dinc, təhlükəsiz və müstəqil” Cənubi Qafqazın yaradılmasına töhfə verəcəyinə əminliyini ifadə edib.
-
Məmnuniyyətlə bildiririk ki, saytın normal fəaliyyəti artıq tam şəkildə bərpa olunub.
-
Kömək üçün Turan agentliyinə müraciət edən və adının açıqlanmasını istəməyən zərərçəkən bildirib ki, 2024-cü ilin iyulunda öz evinin rekonstruksiyası üçün "DREAM CONSTRUCTİON Azerbaijan" şirkəti ilə rəsmi müqavilə bağlayıb: "Bu 58 000 manatlıq müqavilə idi. Mən “Algaplaza”da şirkətin ofisində 44 000 manat ödədim və qalan məbləği də açarları təhvil verərkən ödəmək niyyətində idim.
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
Rəy yaz