Meydan TV internet resursunun xaricdə yaşayan redaktoru Günel Mövludun qardaşları vaxtından əvvəl həbsdən azad edilib. Bu barədə o, öz facebook səhifəsində yazıb, amma bunun hansı əsaslarla edildiyini açıqlamayıb. Mövlud bundan sonra qardaşlarının başına heç nə gəlməyəcəyinə ümid etdiyini bildirib.
Vəkil və Raci İmanovlar 2015-ci il oktyabrın 13-də qanunsuz narkotik ticarəti ittihamı ilə həbs ediliblər. Sonradan Vəkil İmanov bir il, Raci isə il yarım azadlıqdan məhrumetmə cəzasına məhkum edilib.
Aprelin 29-da məhkəmə qardaşların qalan həbs müddətini şərti cəza ilə əvəz edib.
Günel özü qardaşlarının həbsini özünün peşəkar jurnalist fəaliyyəti ilə əlaqələndirirdi.
Meydan TV-nin rəhbəri Emin Millinin qohumları ilə bağlı da eyni vəziyyət olub, onlar da narkotik saxlamaq ittihamı ilə həbs və mühakimə ediliblər.
Hakimiyyət xaricdə olan, polisin və təhlükəsizlik orqanlarının əli çatmayan jurnalistlərə bu təzyiq formasından istifadə edir. Hakimiyyət “Azadlıq” qəzetinin və “Azərbaycan saatı” verilişinin redaktoru Qənimət Zahidlə də belə davranıb, onun üç yaxın qohumu birdən-birə narkotik alverçisinə çevrilib və həbsxanaya düşüb.
Qərbdə rəsmi Bakını fəal şəkildə tənqid edən bir neçə siyasi mühacirin qohumları da bu taleyi yaşayıb. -06D-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz