Bakı/23.01.20/Turan: Yanvarın 23-də Bakı İnzibati Məhkəməsndə hakim Mehriban Qarayevanın sədrliyilə “Gununsesi.info” saytının Nəqliyyat, Rabitə və Yüksək Texnologiyalar Nazirliyinə qarşı iddiasına baxılmasına başlanılıb.
2018-ci ilin iyulunda Gəncə hadisələrindən sonra Baş Prokurorluq “bastainfo.com”, “criminalaz.com”, “topxeber.az” və “fia.az” saytlarına girişin məhdudlaşdırılması xahişilə Rabitə Nazirliyinə müraciət etmişdi.
“Gununsesi.info” saytının baş rəhbəri Pərviz Həşimli Turan-a bildirib ki, onun saytı məhkəmə saytı olmadan bloklanıb. Həmçinin deyib ki, 2018-ci ildə nazir müavini Elmir Vəlizadənin imzaladığı məktubu alıb və məktubda bildirilib ki, bu qurum “Gununsesi.info” saytını bloklamayıb.
“Ancaq bugünkü prosesdə Rabitə Nazirliyinin nümayəndəsi bildirib ki, sayt baş prokuror Zakir Qaralovun rabitə naziri Ramin Quluzadəyə ünvanladığı 13 iyul 2018-ci il tarixli məktub əsasında bloklanıb”, -P.Həşimli deyib.
Digər ciddi qanun pozuntusu “Azertelekom” provayderi tərəfindən “Gununsesi” saytına “org” domeni vasitəsilə girişi məhdudlaşdırılması olub.
Rabitə Nazirliyinin nümayəndəsi bildirib ki, sözügedən provayderin onlara aidiyyatı yoxdur. Lakin məhkəmə “Gununsesi” saytına “org” domeni vasitəsilə girişin məhdudlaşdırılmasının səbəblərinin araşdırılması barədə vəsatəti təmin edib və dinləmələri qeyri-müəyyən müddətə təxirə salıb.–03D06-
Cəmiyyət
-
"Gələn il Azərbaycan növbəti böyük idman yarışına ev sahibliyi edəcək, bu da MDB Oyunlarıdır. Üçüncü MDB Oyunları Azərbaycanda keçiriləcək". Bunu, dekabrın 24-də 2024-cü ilin idman yekunlarına həsr olunan mərasimdə prezident İlham Əliyev söyləyib.
-
Dekabrın 28-də Bakıda və Abşeronda yağış gözlənilir. Şimal-cənub küləyi şimal-qərb küləyinə keçəcək. Havanın temperaturu gecə müsbət 5 +8, gündüz müsbət 8 + 10 dərəcə olacaq. Rütubət 80-90 faiz olacaq.
-
Dekabrın 25-də "Azərbaycan Hava Yolları" QSC-nin (AZAL) Bakı–Qroznı reysini yerinə yetirən "Embraer 190" tipli sərnişin təyyarəsi Qazaxıstanın Aktau şəhəri yaxınlığında qəzaya uğrayıb. Azərbaycanın Aktau şəhərindəki Baş konsulu Ayxan Süleymanlı deyib ki, təyyarədə ekipaj üzvləri ilə birlikdə 67 nəfər uçub, onlardan 38 nəfər həlak olub. Onun vurğulamasına görə, ölənlərin 26-sı Azərbaycan vətəndaşlarıdır.
-
Dekabrın 27-də Bakıda və Abşeronda yağış yağacağı, bəzi yerlərdə intensiv olacağı gözlənilir. Cənub-şərq küləyi əsəcək. Havanın temperaturu gecə 7-9 dərəcə, gündüz 9-11 dərəcə olacaq. Nisbi rütubət 70-80% təşkil edəcək..
Rəy yaz