Hava qeyri-sabit olacaq, güclü külək əsəcək
Bakı/03.08.19/Turan: Ekologiya və Təbii Sərvətlər Nazirliyinin sinoptiklərinin proqnozuna görə, Azərbaycan ərazisinə şimal-qərbdən qeyri-sabit hava axını hərəkət edir. Onun ilk dalğası artıq avqustun 2-də ölkənin şimal rayonlarına çatıb və ayın 4-dək intensiv yağıntı olacaq, güclü qərb küləyi əsəcək. Havanın temperaturu bir neçə dərəcə enəcək, çaylarda sululuq artacaq.
Avqustun 4-də Bakıda və Abşeronda hava günəşli olacaq, ancaq ayın 5-i səhərdən başlayaraq avqustun 8-dək paytaxtda güclü şimal-qərb küləyi əsəcək, arabir saniyədə 30-35 metrədək sürətlənəcək.
Sinoptiklər əhalini güclü külək ilə əlaqədar ehtiyatlı olmağa çağırırlar. -02D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz