Açiq mənbələrdən foto.
Bakı/15.02.21/Turan: Çərşənbə günü Azərbaycan ərazisində havanın kəskin soyuyacağı və qar yağacağı gözlənilir, xəbəri Ekologiya Nazirliyinin sinoptikləri verib.
Fevralın 17-də Bakıda və Abşeronda yağış yağacaq, axşam sulu qara keçəcək. Eyni zamanda gücü saniyədə 20-25 metrə çatan güclü şimal-qərb küləyi əsəcək. Bu hava şəraiti ayın 18-nə qədər davam edəcək, bu zaman küləyin gücü saniyədə 28-30 metrə çatacaq. Havanın temperaturu 5-10 dərəcə aşağı düşəcək və 0 dərəcə təşkil edəcək.
17-19 fevral tarixlərində ölkənin rayonlarında da qar yağacaq, gücü saniyədə 20-25 metrə, arabir 32 metrə çatan qərb küləyi əsəcək. Dağlıq və dağətəyi rayonlarda yollar buz bağlayacaq. Fevralın 17-də qar yağışı intensiv olacaq. -02D-
Cəmiyyət
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
Rəy yaz