Açiq mənbələrdən foto.
Havanın soyuyacağı və sulu qar yağacağı gözlənilir
Bakı/10.03.22/Turan: Martın 11-dən 12-nə keçən gecə Bakıda və Abşeron yarımadasında havanın arabir yağıntılı olacağı gözlənilir. Bu barədə Milli Hidrometeorologiya Xidmətinin məlumatında deyilir.
Bəzi ərazilərdə isə qısamüddətə yağışla qarışıq sulu qar yağacağı ehtimalı var.
Havanın temperaturu gecə və gündüz 4-7 dərəcə isti, axşama doğru 3 dərəcəyə yaxın isti olacaq. Bakıda gecə və gündüz 4-6 dərəcə isti, axşama doğru 3 dərəcəyə yaxın isti olacaq.
Azərbaycanın rayonlarında havanın arabir yağıntılı olacağı, dağlıq və dağətəyi rayonlarda qar yağacağı gözlənilir. Ayrı-ayrı yerlərdə yağıntının intensiv olacağı ehtimalı var.
Havanın temperaturu gecə 2-5 dərəcə isti, gündüz 6-10 dərəcə isti, dağlarda gecə 5-10 dərəcə şaxta, gündüz 0-5 dərəcə şaxta olacaq. -05D-
Cəmiyyət
-
İyun ayında çimərlik mövsümü açılacaq, Gigiyena və Epidemiologiya Mərkəzi bəzi çimərliklərdə dəniz suyunun çirkləndiyini, digərlərində təmiz olduğunu elan edəcək. Hər il Abşeron çimərliklərində dəniz suyunun bakterioloji göstəriciləri əvvəlki kimi qalır: yarımadanın şimal sahili nisbətən təmizdir, Bakı, Sumqayıt, Yalama və Xaçmaz yaxınlığındakı çimərliklər isə dənizə girənlərə ağır xəstəliklər bəxş edə bilər.
-
Bu gün Bakının mənzərəli Səbail rayonunda, Xəzər dənizinə baxan yerdə hüquqşünas Aslan İsmayılov bir qrup fədakar ekofəal ilə birlikdə mühüm mərhələni - vaxtilə dağılmış, torpaq sürüşməsinə məruz qalmış yamacda yaradılmış parkın yeddinci ildönümünü qeyd edib. Boş çöldə salınmış bu yaşıl məkan şəhərin genişlənən yaşıl zolağının həyat əhəmiyyətli hissəsini təmsil edir və ətraf mühitin bərpası üzrə uğurlu layihədir.
-
Bazar günü, mayın 5-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir. Əsasən səhər və axşam bəzi yerlərdə yağış yağacağı ehtimalı var. Mülayim cənub küləyi gecəyə doğru arabir güclənən şimal-qərb küləyi ilə əvəz olunacaq.
-
Bakcell Fəvvarələr Meydanında yeni brend kimliyinə uyğun innovativ mağazasını təqdim etdi. Mayın 3-dən etibarən faəliyyətə başlayan mağazanın açılışında Bakcell-in süni intellekt dəstəkli insanabənzər robotu Ardi iştirak edib.
Rəy yaz