Polad Aslanov
Həbsdə olan jurnalist Polad Aslanovun qardaşı həbs edilib
Bakı/28.08.21/Turan: Həbs cəzası çəkən xeberman.com saytının redaktoru Polad Aslanovun qardaşı Niyaməddin Aslanzadə inzibati qaydada həbs edilib. Bu barədə Polad Aslanovun həyat yoldaşı Gülmira Aslanova bildirib.
Onun sözlərinə görə, Niyaməddin Aslanzadə bir neçə gün əvvəl polis şöbəsinə çağırılıb.
"Qaynıma deyiblər ki, onun barəsində Ombudsman Aparatından şikayət var. Bir neçə ay əvvəl, həyat yoldaşım aclıq edərkən Niyaməddin Ombudsman Aparatına zəng edib, qardaşı ilə heç kimin maraqlanmamasına görə qəzəbini bildirib. Niyaməddin əsəb xəstəliyindən əziyyət çəkir və qardaşına qarşı ədalətsizliyə etirazını emosional formada ifadə edib. Sonra o, üzr istəyib. Biz də onun adından üzr istədik", deyə Gülmira Aslanova bildirib.
Onun sözlərinə görə, əvvəlcə qaynı buraxılıb, amma avqustun 26-da o, yoxa çıxıb.
"Biz onun yerini öyrənə bilmirdik, DİN-in 102 xidmətinə zəng edirdik. Dünən anasına deyiblər ki, Niyaməddinə 15 gün həbs veriblər. Bu gün Nərimanov RPİ 18-ci polis şöbəsindən mənə bildiriblər ki, o, beş gün müddətinə həbs edilib, amma konkret səbəb və Niyaməddinin hansı maddə ilə cəzalandırıldığını açıqlamayıblar. Rayon məhkəməsi bağlı olduğuna görə məhkəmə qərarının mətnini əldə edə bilmədim", deyə Gülmira Aslanova bildirib.
O qeyd edib ki, qaynının hüquqları pozulub, belə ki, o, saxlanıldıqdan sonra evə zəng etməsinə və seçdiyi vəkili dəvət etməsinə icazə verilməyib.
Xatırladaq ki, Aslanov 16 noyabr 2019-cu il tarixində İranın xeyrinə dövlət casusluğu ittihamı ilə 16 il müddətinə azadlıqdan məhrum edilib. O, ittihamı təkzib edib, hüqüq-mühafizə orqanlarında korrupsiya haqqında nəşrlərə görə cəzalandırıldığını bildirib.
"Sərhədsiz Reportyorlar" təşkilatı və digər hüquq müdafiə qurumları Azərbaycan hakimiyyətini Polad Aslanovu azad etməyə çağırıb. -06B-
-
- Siyasət
- 28 Avqust 2021 14:15
Cəmiyyət
-
Mayın 1-də ABŞ Maliyyə Nazirliyinin açıqladığı sanksiya siyahısında 60 şirkətin adları var və Rusiya ilə yanaşı Azərbaycan, Belçika, Çin, Birləşmiş Ərəb Əmirlikləri (BƏƏ), Slovakiya və Türkiyə şirkətləri də sanksiyalar altına düşüb.
-
Azercell-in həssas qadın qrupları üçün təşkil etdiyi təlimlər davam edir Azercell və “Ümidli Gələcək” İB-in “Gələcəyi öz əllərinlə yarat” layihəsi çərçivəsində növbəti təlim baş tutub. “Təmiz dünya” Qadınlara Yardım İctimai Birliyinin sığınacağında keçirilmiş təlimə yetkin qadınlarla yanaşı həm də yeniyetmə və gənc qızlar qatılıb. Təlimdə Azercell Akademiyasının mütəxəssisləri iştirakçılara “yumşaq bacarıqlar” - daxili motivasiya, ünsiyyət, empatiya, emosional zəka barədə məlumat veriblər. Qadın sığınacağının sakinləri isə öz növbələrində hədəfləri, karyera və təhsil planları barədə mütəxəssislərdən tövsiyələr alıblar.
-
Respublika Sanitariya-Karantin Mərkəzinin vəzifəli şəxsləri cinayət məsuliyyətinə cəlb ediliblər. Bu barədə Baş Prokurorluq və Səhiyyə Nazirliyinin birgə məlumatında deyilir.
-
Mayın 2-də Bakıda və Abşeronda yağıntı gözlənilmir, şimal-qərb küləyi əsəcək, arabir güclənəcək. Havanın temperaturu gecə müsbət 13+16, gündüz müsbət 19+23 dərəcə olacaq.
Rəy yaz