European Union foreign policy chief Josep Borrell in Brussels on July 13, 2020. AP
Aİ Ermənistana və Azərbaycana vasitəçilik təklif edir
Bakı/28.08.21/Turan: Avropa İttifaqı Ermənistan-Azərbaycan sərhədinin delimitasiyası məsələsinə kömək etməyə hazırdır. ru.armeniasputnik.am-ın məlumatına görə, bu barədə Aİ-nin Xarici işlər və təhlükəsizlik siyasəti üzrə Ali Nümayəndəsi Jozep Borrelin Ermənistan XİN başçısı Ararat Mirzoyana bu vəzifəyə təyin edilməsi məqsədilə göndərdiyi təbrik məktubunda deyilir.
Borrel öz məktubunda qeyd edib ki, Ermənistan Avropa İttifaqının mühüm tərəfdaşıdır. Onun sözlərinə görə, 2018-ci ildən etibarən Yerevan və Brüssel arasında münasibətlər xeyli fəallaşıb, 1 mart 2021-ci il tarixində Ermənistan və Aİ arasında Hərtərəfli və Genişləndirilmiş Tərəfdaşlıq haqqında Sazişin qüvvəyə minməsi isə yeni müsbət mərhələ oldu.
"Bu sazişin həyata keçirilməsi bizim ikitərəfli münasibətlərimizdə əsas məqamdır və biz qarşılıqlı maraq doğuran sahələrdə, o cümlədən demokratiyanın möhkəmləndirilməsinə, qanunun və insan hüquqlarının aliliyinə, iş yerlərinin açılmasına və biznes qurulmasına, ətraf mühitin, təhsilin vəziyyətinin və elmi araşdırmalar üçün imkanların yaxşılaşdırılmasına yönəlmiş məsələlərdə əməkdaşlığı davam etdirməyə hazırıq", deyə Avropalı məmurun məktubunda bildirilir.
O, Aİ-nin Dağlıq Qarabağ münaqişəsinin uzunmüddətli və hərtərəfli nizamlanmasına şərait yaratmağa, münaqişəsonrası bərpaya və iki tərəf arasında etimad mühitinin yaranmasına yönəlmiş tədbirlərə yardım etməyə hazır olduğunu təsdiq edib.
"Bu kontekstdə biz ATƏT-in Minsk Qrupunun səylərini dəstəkləməyə davam edirik. Sərhədlərin delimitasiyası məsələsində kömək etməyə hazırıq", deyə məktubda qeyd edilir. -0-
Siyasət
-
Peyk çəkilişlərinə görə, Şuşa şəhərinə yaxın Daşaltı kəndi demək olar ki, tamamilə dağıdılıb. Daha doğrusu, evlərin 90 faizi sökülüb. Hakimiyyət bu yaşayış məntəqəsinin rekonstruksiyası və ya yenidən inşa ediləcəyinə dair baş planı barədə məlumat verməyib.
-
Kanal-13 İnternet-TV-nin həbsdə olan rəhbəri Əziz Orucovun səhhəti pisləşib, bu barədə Turan-a onun vəkili Bəhruz Bayramov bildirib.
-
Azərbaycanda parlament seçkiləri noyabrda keçirilməlidir, lakin daha erkən tarixə çəkilə bilər. Bu barədə cümə axşamı MSK sədri Məzahir Pənahov qurumun iclasında bildirib.
-
Prezident İlham Əliyev İkinci Dünya Müharibəsinin veteranlarına birdəfəlik maddi yardım ödənilməsi haqqında sərəncam imzalayıb.
Azərbaycan Qərb münasibətlərində dəyişən nəsə varmı? – Əhməd Əlili Çətin sualda
Audio xəbər
Xəbər lenti
-
- Siyasət,
- 10:43
- 220
Rəy yaz