Hərbi orkestrlərin yürüşləri ilə əlaqədar Bakı küçələrində nəqliyyatın hərəkəti məhdudlaşdırılacaq

Bakı/25.06.22/Turan:    26 iyun Azərbaycan Silahlı Qüvvələri Günü münasibətilə Bakının müxtəlif rayonlarında yürüşlər və hərbi orkestrlərin nümunəvi çıxışları təşkil olunacaq. Baş Dövlət Yol Polisi İdarəsinin məlumatına görə, bununla əlaqədar saat 10:00-dan 12:00-dək aşağıdakı istiqamətlərdə avtomobillərin hərəkəti məhdudlaşdırılacaq:

- Heydər Əliyev Sarayı - Bülbül prospekti - "Nizami" kinoteatrı - Neftçilər prospekti - Azadlıq meydanı - AMAY Ticarət Mərkəzi;

- Şəhidlər Xiyabanı - "Alov qüllələri" - "İçərişəhər" metrosu - "Qala qapıları" - Kukla Teatrı - "Azneft” dairəsi - Bəhram Gur heykəli;

- Hüseyn Cavid parkı - Hüseyn Cavid prospekti - Parlament prospekti - Şəhidlər Xiyabanı;

- Zabitlər parkı - Sirk - Heydər Əliyev Sarayı - Səməd Vurğun küçəsi - Neftçilər prospekti;

- Nərimanovun abidəsi - Mərkəzi Park - Milli Dram Teatrı - Qış parkı - Heydər Əliyev Sarayı - Milli Bank.

Tədbirin ikinci hissəsi saat 19:00-dan 21:00-dək keçiriləcək. Orkestrlər aşağıdakı ünvanlarda çıxış edəcəklər.

- Heydər Əliyev parkı (Heydər Əliyev Sarayının qarşısı);

-  “Azneft” dairəsinin qarşısındakı bulvar;

-  Bulvarda - Muzey Mərkəzinin qarşısında bulvar;

- Zabitlər parkı;

- Koroğlu parkı;

- Fəvvarələr meydan.

Yol polisi şəxsi avtomobil sahiblərini qeyd olunan saatlarda göstərilən istiqamətlər üzrə hərəkətdən çəkinməyə çağırıb.—06B-