![Açiq mənbələrdən foto.](https://turan.az/resized/media/2023/main/071900064511-750-500-resize.webp)
Açiq mənbələrdən foto.
Hökumət komissiyası Söyüdlü sakinlərini dinləyib, ekoloji mühitin yaxşılaşdırılması ilə bağlı təkliflər hazırlayıb
Bakı/19.07.23/Turan: Gədəbəy rayonunun Söyüdlü kəndində monitorinqlərin aparılması və mövcud vəziyyətin qiymətləndirilməsi məqsədilə yaradılmış Komissiyanın iyulun 18-də Söyüdlü kəndində kənd sakinlərinin iştirakı ilə iclası keçirilib. İclasa komissiyanın sədri, ekologiya və təbii sərvətlər naziri Muxtar Babayev və digər rəsmi şəxslər iştirak edib.
İclasada iştirak edən Söyüdlü kənd sakinlərindən biri bildirib ki, kənd sakinləri qızıl mədəninin işlənməsi zamanı yol verilmiş qanunsuzluqlar, narazı olduqları hökumət qurumları ilə bağlı fikirlərini söyləyib.
"Biz, kənd sakinləri prezident İlham Əliyevin hökumətin iclasında dediklərini müdafiə etdiymizi bildirdik. Biz hökumətimizə, dövlətimizə qarşı deyilik və prezidentimizin dediyi kimi, ekoloji təhlükəsiz şəraitdə yaşamaq hüququmuzun təmin edilməsini tələb etmişik. Bu halda sakinlərə qarşı zorakılığa ehtiyac olmadığını hökumət qurumlarının diqqətinə çatdırdıq", deyə o qeyd dib.
Sakinin sözlərinə görə, qızıl mədəninin fəaliyyəti üç aylıq müddətə dayadırılıb.
"Sianid gölünün ətrafında da işlər dayandırılıb. Komissiya üzvləri dedi ki, göl tamamilə qurudulacaq və başqa yerdə qapalı şəraitdə qurulacaq. Bir sözlə, komissiya kəndimizin sakinlərinin qaldırdıqları problemlərin hamısının düzgün olduğunu təsdiq etdi", deyə sakin bildirib.
Bununla yanaşı, hazırda 6 nəfər kənd sakini həbsdədir.
"Komissiyanın icasında sakinlərin sərbəst buraxılmasının vacibliyi qeyd edildi", deyə o bildirib.
Bunlara baxmayaraq, hələ də Söyüdlü kəndinin giriş yollarında polis postları qalmaqdadır.
"Söyüdlü" qızıl yatağı "Anglo Asian Mining" PLC şirkəti tərəfindən istismar olunur. Şirkət RV Investments Group Services LLC-nin sahibi, ABŞ vətəndaşı Reza Vəzirinin iştirakı ilə Böyük Britaniyada qeydiyyatdan keçib.
1997-ci ildə Azərbaycan hökuməti RV Investments Group Services LLC ilə bir sıra mədən yataqlarının, o cümlədən Söyüdlü kəndindəki yatağın işlənməsi hüquqlarının verilməsi haqqında müqavilə bağlayıb. 03B
Cəmiyyət
-
Ölkənin ən böyük özəl operatoru “Bakcell” “Dream Fest” Beynəlxalq Musiqi Festivalının premium sponsoru olub. Festival ərzində iştirakçılar “Bakcell” stendinə yaxınlaşaraq şirkətin yeni və innovativ məhsulları barədə məlumat alıblar, xüsusi hədiyyələr qazanmaq imkanı əldə ediblər. Bundan əlavə, şirkət festivalda çıxış edən dünya ulduzlarına “Bakcell” nömrələri təqdim edərək onları ölkəmizdə olduqları müddətdə yüksəkkeyfiyyətli mobil rabitə xidmətləri ilə təmin edib.
-
Azərbaycan Milli Məclisinin deputatlığına namizəd Namizəd Səfərov Mərkəzi Seçki Komissiyasını (MSK) demokratik seçkilərin keçirilməsinə hazırlaşmamasını tənqid edib. Birinci Nərimanov seçki dairəsindən namizədliyini irəli sürən, Repressiya və İşgəncələrə Qarşı Komitənin koordinatoru olan Səfərov tərəfdarlarından uğurla imza topladıqdan sonra narahatlığını “Turan”a bildirib.
-
Kəlbəcər rayonunda yerləşən hərbi hissələrdən birinin əsgəri Qəhrəmanov Ərşadın intihar etməsi faktı ilə bağlı hərbi prokurorluqda araşdırma aparılır.
-
İyulun 30-da paytaxtda yağıntı gözlənilmir. Cənub-qərb küləyi əsəcək. Havanın temperaturu gündüz +28+32 dərəcə təşkil edəcək. Gündüz rütubət 65-75%-ə çatacaq.
Rəy yaz