Талех Хасмамедов
Bakı/28.12.18/Turan: Siyasi Məhbusları Müdafiə Mərkəzinin (SMMM) əlaqələndiricisi Oqtay Gülalıyev qurumun üzvü, Göyçay rayonunda yaşayan Taleh Xasməmmədovun yoxa çıxdığını bildirib.
Sonuncu dəfə o, dekabrın 27-də saat 14.00-da telefon zənglərinə cavab verib. Bundan sonra onunla heç bir əlaqə yoxdur, o, evə gəlməyib.
Ailə üzvləri DİN-in 102 xidmətinə müraciət ediblər. Amma Xasməmmədovun aqibətini öyrənmək mümkün olmayıb.
Gülalıyev hesab edir ki, Xasməmmədovun yoxa çıxması SMMM-in dekabrın 26-da həbsxanalarda vəziyyətlə bağlı yaydığı məruzə ilə bağlı ola bilər.
Bu tədbirdə çıxış etmiş Zəfər Əhmədovun oğlu - AXCP fəalı Fuad Əhmədli tədbirdən sonra karserə salınıb.
Gülalıyev həmçinin Xasməmmədovun son zamanlar Facebook-da tənqidi statuslar dərc etməsinə diqqət çəkib.
O xatırladıb ki, Xasməmmədov bundan əvvəl iki dəfə hüquq müdafiə fəaliyyətinə görə həbs edilib. -06D-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz