Огтай Гюльалыев
Bakı/14.01.19/Turan: Azərbaycan həbsxanalarında bloger Mehman Hüseynovla yanaşı daha 9 siyasi məhbus aclıq edir. Bu barədə Turan agentliyinə Siyasi Məhbusları Müdafiə Mərkəzinin koordinatoru Oqtay Gülalıyev bildirib.
Bununla onlar Mehman ilə həmrəy olduqlarını bildirirlər və digər siyasi məhbusların da azadlığa buraxılmasını tələb edirlər.
Hüquq müdafiəçisinin sözlərinə görə, həbsxanalarda aksiya iştirakçılarına təzyiqlərlə bağlı məlumatlar var. Bununla belə, digər siyasi məhbuslar da aksiyaya qoşulmaq niyyətindədir.
Bloger M.Hüseynovdan başqa həbsxanada aclıq edənlər İlkin Rüstəmzadə, Bayram Məmmədov, Elçin İsmayıllı, Əhsən Nuruzadə, Qiyas İbrahimov, Rəşad Ramazanov, Fikrət Fərəməzoğlu, Azad Həsənovdur.
Eyni zamanda Penitensiar Xidmətin ictimaiyyətlə əlaqələr şöbəsinin rəhbəri Mehman Sadıqov bildirib ki, cəzaçəkmə müəssisələrində heç kim aclıq etmir.-06D--
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz