![Açiq mənbələrdən foto.](https://turan.az/resized/750/500/resize/media/2021/main/081200036856.jpg)
Açiq mənbələrdən foto.
Hüquq müdafiəçisi Oqtay Gülaliyevin vəziyyəti sabitləşir
Bakı/12.08.21/Turan: Hüquq müdafiəçisi Oqtay Gülalıyevin vəziyyəti stabildir, o hələ də xəstəxanada saxlanılır.
Bu barədə AzadlıqRadiosuna onun həyat yoldaşı Firuzə Gülalıyevə məlumat verib.
Onun sözlərinə görə, dünən O Gülalıyevdən qan analizi götürülüb. "Nəticələr göstərib ki, Oqtayın ağ ciyərlərində psevdomonas infeksiyası var. Bundan əlavə qarın boşluğunda sepsis infeksiyası mövcüddur. Bu gün digər analizlər də götürüləcək".
O, qeyd edib ki, hüquq müdafiəçinin əlləri və ayaqları şişib. "Həkimlər dedi ki, Oqtaya fizioterapiya lazımdır. Lakin bu xəstəxanada fizioterapevt yoxdur. Kənardan həkimin dəvətini İcbari tibbi sığorta hələ ki, qarşılamır. İndi bu mədələni həll etməyə çalışırıq".
Avqustun 5-də hüquq müdafiəçisi Oqtay Gülalıyevin vəziyyəti pisləşib.
Həyat yoldaşı Füruzə Gülaliyevanın deməsinə görə, bu, qidanın birbaşa mədəyə ötürən qastrostomiya (udma aktı tam pozulmuş və ya massiv şiş törəməsi olan pasiyentlərə endoskopik olaraq mədəyə dəridən keçərək qidalandırıcı zondun yerləşdirilməsi) borucuğu dəyişdirildikdən sonra baş verib.
Hüquq müdafiəçisi Oqtay Gülalıyevin 2019-cu il oktyabrın 29-da Bakının mərkəzində piyada keçidində avtomobillə vurulduğu bildirilir. Onun başından aldığı zədə nəticəsində hələ də komada olduğu deyilir.
Fakt üzrə Cinayət Məcəlləsinin 263.1.1-ci (yol hərəkəti və nəqliyyat vasitələrinin istismarı qaydalarının pozulması, ehtiyatsızlıqdan zərər çəkmiş şəxsin sağlamlığına ağır zərər vurulmasına səbəb olduqda) maddəsi ilə cinayət işi qaldırılıb.
Oqtay Gülalıyev qəzadan sonra, elə 2019-cu il oktyabrın 29-da axşam Bakıdakı Kliniki Tibbi Mərkəzə gətirilib.—0--
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz