![İctimai təşkilat səfirlikləri Bayram Məmmədovun işinə müdaxilə etməyə çağırır](https://turan.az/resized/750/500/resize/media/2019/main/040900018015.jpg)
İctimai təşkilat səfirlikləri Bayram Məmmədovun işinə müdaxilə etməyə çağırır
Bakı/09.04.19/Turan: "Demokratik Azərbaycanı Seç" (DAS) ictimai təşkilatı ölkənin hüquq-mühafizə orqanlarına, dünyanın bir sıra aparıcı dövlətlərinin Bakıdakı səfirliklərinə inzibati cəza çəkən Bayram Məmmədovla bağlı müraciət ünvanlayıb.
Müəlliflər Novruz bayramı ərəfsəində azadlığa çıxmış Bayram Məmmədovun və Qiyas İbrahimovun fiziki həyatının və sağlamlığının sual altında olması ilə bağlı narahatlıqlarını ifafə edirlər.
"Belə ki, azad edildikdən on üç gün sonra inzibati qaydada həbs edilmiş Bayram Məmmədovun hər gün işgəncə aldığı və eyni zamanda baş gicəllənməsi olduğu, o cümlədən qusması barəsində məlumatlar eşidilməkdədir", müəlliflər belə deyirlər.
Müraciətdə deyilir ki, Daxili İşlər Nazirliyinin saxalama məntəqəsində nələr baş verməsilə bağlı, təəssüf ki, ictimaiyyətə heç bir məlumat verilmir, amma B.Məmmədov öz vəkilinə yazdığı müraciətdə işgəncələr barədə bildirib.
Müəlliflər digər keçmiş siyasi məhbus Qiyas İbrahimovun aprelin 3-də Bakı şəhər Baş Polis İdarsinə çağırılmasını, "prezidentin fanatları tərəfindən ona hər an hücum ola bilməsi və polislərin onu qoruya bilməyəcəkləri" xəbərdarlığı almasını, Elgiz Qəhrəmanın sərnişin olduğu avtomobilin saxlanılmasını və orada narkotik axtarılmasını Azərbaycanda siyasi repressiyaların davam etməsi kimi dəyərləndirirlər.
"Baş verən hadisələrin ictimai və siyasi təhlili göstərir ki, siyasi hakimiyyət rejimi qorumaq üçün mövqe göstərənləri və tənqidi fikir söyləyənləri susdurmaq üçün hətta həmin insanların fiziki məhvini belə həyata keçirməyi düşünür", müəlliflər belə qənaət ifadə edirlər.
Müraciətdə vurğulanır ki, Bayram Məmmədov və Qiyas İbrahimovun həyatı ilə bağlı ölkənin hüquq-mühafizə orqanlarının rəhbərləri birbaşa cavabdehlik daşıyırlar.
Bayram Məmmədovun dərhal azad edilməsi və xəstəxanaya yerləşdirilməsi tələb edilir;
Yerli və beynəlxalq təşkilatlara Azərbaycan hökumətindən Bayram Məmmədovun azad olunmasını tələb etmək təklifi səslənir;
Bayram Məmmədova işgəncə verənlərin qanun qarşısında cəzalandırılması tələb edilir.
Xatırladaq ki, B.Məmmədov və Qiyas İbrahimov 2016-cı il mayın 10-da saxlanılıblar. Rəsmi olaraq külli miqdarda narkotik vasitələrin qanunsuz dövriyyəsində ittiham olunublar. Məhkəmə prosesində hər iki siyasi fəal narkotik ittihamını rədd ediblər, Heydər Əlyevin heykəli üzərinə "Qul bayramınız mübarək" şüarı yazdıqlarına görə həbs olunduqlarını bildiriblər. Hər ikisi 2019-cu il martın 16-da əfv olunaraq azadlığa çıxıblar. Azadlığa çıxdıqdan cəmi 13 gün sonra B.Məmmədov Sabunçu Rayon Məhkəməsinin qərarı ilə polisin qanuni əmrinə tabe olmamaqda ittiham edilib və 30 sutka inzibati cəza verilib. Binəqədi təcridxanasına salınıb. Aprelin 2-də Bakı Apellyasiya Məhkəməsində B.Məmmədovun şikayətinə baxılıb, təmin olunmayıb. B.Məmmədov isə hakimə təcridxanada işgəncəyə məruz qalması haqda danışıb. Daha sonra təcridxanadan çıxan məhbuslar B.Məmmədovda başgicəllənmə, qusma kimi hallar olması barədə bildiriblər.
Elçin Sadıqov yaxın günlərdə Apellyasia Məhkəməsinin yeni iclasının keçiriləcəyini bildirib.--0--
-
- Mədəniyyət
- 9 Aprel 2019 13:36
-
- Cəmiyyət
- 9 Aprel 2019 14:01
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz