İctimaiyyət sürücülərin "kamera qarşısında" məcburi üzr istəməsindən şoka düşüb

Bakı/21.02.22/Turan: Fevralın 18-də Azərbaycanda televiziya kanallarından biri Youtube-dan videoçarx nümayiş etdirib. Göstərilir ki, dörd nəfər fevralın 17-nə keçən gecə Bakıda Heydər Əliyev prospektinə yük maşınlarını çıxararaq yolu  bağladıqlarına görə üsr istəyiblər.

Belə ki, nəqliyyat kampaniyası yüklərin daşınması üçün icazə vərəqlərinin verilməsində korrupsiya hallarna etiraz edib. Azərbaycan "R-Qrup Kargo" nəqliyyat şirkətinin direktoru Rəmiş Cəfərov və həmin firmanın üç sürücüsü TV-yə Azərbaycan dilində bildiriblər ki, Heydər Əliyev prospektindəki aksiya ilə vətəndaşlara narahatlıq yaradıblar və buna görə üzr istəyirlər. Həmçinin bundan sonra qayda-qanunu pozmayacaqlarına söz veriblər, sürücülərin sözlərini "Kavkazskiy uzel”in müxbiri tərcümə edib.

Azərbaycanda adamları "kamera qarşısında" üzr istəməyə məcbur etmək koronavirus pandemiyası dövründə, karantin qaydalarının kütləvi şəkildə pozulduğu vaxtlarda başlayıb. İctimaiyyət gördüklərindən şoka düşüb. Televiziya efirində üzr istəmək sürücülərin aqibətini yüngülləşdirməyib. Üç nəfər 30 sutkalığa inzibati həbs cəzası alıb, şirkətin direktoruna qarşı cinayət işi başlanılıb.

Hüquq müdafiəçisi, "Müdafiə xətti" təşkilatının rəhbəri Rüfət Səfərov qeyd edib ki, üzrxahlıq təhdid altında edilib. "Biz onların hüquqlarını müdafiə etmək bütün hüquqi yolları tətbiq edəcəyik.  Sürücülərə kömək üçün ictimai Müdafiə Komitəsinin səfərbər edilməsinə dair danışıqlar aparırıq", - o, Facebook səhifəsində yazıb.

Azərbaycan Xalq Cəbhəsi Partiyasının sədri Əli Kərimli də sürücülərin üzr istəməsindən təəccübləndiyini bildirib. "Bu, nə üzrxahlıq praktikasdır, Daxili İşlər Nazirliyi bunu harada öyrənib? Onlar başa düşmürlər ki, xalqda hakimiyyətə qarşı nifrət hissi yaradırlar?"- o, "Azərbaycan saatı" verilişində deyib.

Fevralın 17-də axşam Azərbaycan İctimai Televiziyasının verilişində Dövlət Avtomobil Nəqliyyatı Xidmətinin şöbə müdiri Anar Rzayev birtərəfli qaydada çıxış edib. O, sürücülərin iddialarının əsaslı olduğunu inkar edib, tabeliyində olduğu Rəqəmsal İnkişaf və Nəqliyyat Nazirliyinin hərəkətinə haqq qazandırıb. Etiraz aksiyasının iştirakçıları verilişə dəvət olunmayıblar ki, bu da  İctimai Televiziya və media haqqında qanunların birbaşa pozulmasıdır.

“Multimedia” İctimai Təşkilatının rəhbəri Osman Gündüz hadisələrin bu cür işıqlandırılmasına qarşı çıxıb. O, İctimai TV-nin birtərəfli, qeyri-obyektiv verilişini pisləyib: "Verilişə sürücülərin işdən çıxarılmasını tələb etdikləri Anar Rzayev dəvət olunub.  Bu, ictimai teleradio yayımının qərəzsizlik prinsipini pozur. Son zamanlar İctimai Televiziya obyektivliyilə digər telekanallardan fərqlənir. Ümid edirəm ki, şirkət rəhbərliyi plüralizm prinsipinə sadiq qalacaq", - Gündüz bildirib. –0—