Bakı/07.08.19/Turan: Reallıq. info saytının redaktoru, həbsdə olan İkram Rəhimov KİV-ə açıq məktub göndərib. O, həbsinin sifarişçisinin Azərbaycan prezidentinin ictimai-siyasi məsələlər üzrə köməkçisi Əli Həsənov olduğunu bildirib.
"Saxlandıqdan və Dövlət Təhlükəsizliyi Xidmətinə aparıldıqdan sonra məlum oldu ki, səhər saatlarında yazıb yaydığım məqalə ciddi narahatlıq yaradıb. Prezidentin köməkçisi Əli Həsənov mənim həbs edilməyim üçün göstəriş verib.
Dindirmədə mən öz mövqeyimdən çəkilmədim. Bundan sonra mənə qarşı saxta ittihamlarla cinayət işi açdılar, yalançı zərəçəkənlər cəlb edildi, telefon danışıqlarımın səs yazıları saxtalaşdırıldı", - İ.Rəhimov yazıb.
"Prezidentin köməkçisinin və onun himayə etdiyi Mətbuat Şurasının rəhbərliyinin qanunsuz fəaliyyəti ilə bağlı apardığım araşdırmalar qarşı tərəfi ciddi narahat edirdi. Odur ki, məhkəmə qərarı olmadan realliq.info saytı və mənim adına qeydiyyatda olan 7 domen bloklanıb",- o yazıb.
Sonra Ə.Həsənovun göstərişilə Mətbuat Şurası İ.Rəhimovun həbsi üçün hüquq-mühafizə orqanları rəhbərliyinə müraciət edib.
Neqativ faktlara gəlincə, İ.Rəhimov qeyd edir ki, o, hökumətyönlü jurnalist QHT-ləri vasitəsilə vəsaitlərin mənimsənilməsi haqda yazıb. Belə ki, Jurnalistlərin Həmkarlar Təşkilatına 1 mln. manat ayrılıb və bu vəsaitin hara getdiyi məlum deyil.
Jurnalistlərə mənzillərin paylanması zamanı da müxtəlif maxinasiyalara yol verilib.
İ.Rəhimovun sözlərinə görə, 6 ay davam edən istintaq onun günahına səhih sübutlar təqdim etməyib. Bununla belə, Bakı Ağır Cinayətlər Məhkəməsinin hakimi Əlövsət Abbasov ədalətsiz qərar çıxarıb, redaktor hesab edir.
Buna baxmayaraq, o, həbsxanadan yazıların dərcini davam etdirmək niyyətindədir.
*İkram Rəhimov 2018-ci il oktyabrın 26-da hədə yolu ilə pul tələb etməkdə ittiham olunaraq məhkəmənin qərarı ilə həbs edilib. Həbsdən öncə bildirib ki, Azərbaycan pezidentinin köməkçisi Əli Həsənovu tənqid etdiyinə görə təqib olunur. İyunun 12-də məhkəmə onu 5,5 il müddətinə azadlıqdan məhrum edib.
Avqustun 6-da Bakı Apellyasiya Məhkəməsində İ.Rəhimovun işi üzrə ilkin iclas olub.
Vəkil Elçin Sadıqov birinci instansiya məhkəmənin iclaslarının protokollarının saxtalaşdırıldığını bildirib.
"Birinci instansiya məhkəməsində Elman adlı katib vardı. Sonradan onu işdən çıxardılar. Belə ki, o, protokollara şahid ifadələrini ittiham aktında yazıldığı kimi köçürüb. Halbuki, məhkəmədə bütün zərərçəkənlər bildiriblər ki, İ.Rəhimov onlardan pul tələb etməyib və hədə-qorxu gəlməyib", - vəkil bildirib.
Vəki şahidlərin təkrar dindirilməsi, İ.Rəhimovun telefon danışıqlarının audioyazısının montaj yolu ilə saxtalaşdırılması ilə əlaqədar təkrar ekspertizasının keçirilməsi barədə vəsatət qaldırıb.
Lakin vəsatət təmin edilməyib. Növbəti məhkəmə iclası avqustun 21-nə təyin edilib.
İ.Rəhimov bildirib ki, etiraz olaraq aclığa başlayır. -06D--
Cəmiyyət
-
Azərbaycan Minatəmizləmə Agentliyinin əməkdaşı xidməti vəzifəsini yerinə yetirərkən xəsarət alıb. Hadisə aprelin 27-də Şuşa rayonunun Qeybalı kəndi ərazisində baş verib.
-
Aprelin 28-də Bakıda və Abşeron yarımadasında havanın yağıntısız olacağı gözlənilir. Mülayim cənub küləyi əsəcək. Havanın temperaturu gecə müsbət 14+18, gündüz müsbət 26+31 dərəcə olacaq, Azərbaycan Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Aprelin 27-də Bakıda və Abşeron yarımadasında hava şəraiti yağmursuz keçəcək. Səhər və axşam bəzi yerlərdə duman olacaq. Cənub-şərq küləyi əsəcək.
-
Azercell-in BİQ layihəsinin Biznesin Davamlılığı testi Ələt Azad İqtisadi Zonasında həyata keçirildi Ölkənin lider mobil operatoru Azercell-in BİQ - Böhran İdarəetmə Qrupu layihəsinin Ələt Azad İqtisadi Zonasında real vaxt rejimdə Biznesin Davamlılığı testi həyata keçirildi. İlk dəfə baş tutan testdə Azercell ilə yanaşı layihənin digər tərəfdaşları – Azərkosmos, Aztelekom və Baktelekom şirkətlərinin əməkdaşları da iştirak etdilər. Sözügedən ərazidə rabitənin tamamilə kəsilməsi simulyasiya edilərək böhran vəziyyəti yaradıldı. Böhran təlimi zamanı regionlardan olan texniki qrupların hadisə yerinə çatması və rabitənin bərpa edilməsi istiqamətində işlərə başlanıldı. İlk olaraq qruplar ərazidə 2 mobil Baza Stansiyası quraşdıraraq məhdud sayda abunəçiyə milli peykin imkanlarından istifadə edərək 2G xidməti təqdim etdilər. Növbəti mərhələdə yüksək sürətli internet, 3G və 4G şəbəkəsi bərpa edildi və ərazi 100 meqabit Wi-Fi xidməti ilə təmin olundu. Qeyd edək ki, öncəki testlərlə müqayisədə bu simulyasiya testində bərpa vaxtı 2 qat azaldıldı. Bütün bərpa işləri isə regionlardan olan və Azercell tərəfindən xüsusi texniki təlimlər görmüş qruplar tərəfindən icra olundu.
Rəy yaz