Nihad Aliyev
Bakı/ 27.03.21/Turan: İstanbulun "Sabah" qəzeti ötən gecə SOCAR dövlət neft şirkətinin top-meneceri Nihad Əliyevin ölümü ilə bağlı ilkin məlumatları dərc edib.
Polisin məlumatına görə, mərhum qonaqları ilə birlikdə (üç qadın, üç kişi) saat 23-də restorandan otelə gəlib və otağına çıxıb. Əliyevin qonaqlarının ifadələrinə əsasən, o, oteldə istirahət edərkən belindən tapançasını çıxarıb və zarafatla başına dayayıb. Qonaqları bunun təhlükəli olduğunu dedikdə Əliyev silahın dolu olmadığını bildirib, buna cavab olaraq qonaqları "şeytan doldurar" deyiblər. Əliyev tətiyi çəkib və atəş açılıb.
Atəş səsi eşidən otel işçiləri polis çağırıblar. Ağır yaralanan Əliyev xəstəxanaya aparılıb, amma onun həyatını xilas etmək mümkün olmayıb.
"Sabah"ın məlumatına görə, polis şahid ifadələri almağa davam edir və hələlik mətbuat üçün bəyanat verməyib.
SOCAR dövlət şirkəti hələlik hadisə ilə bağlı şərh vermir. Bəzi məlumatlara görə, 40 yaşlı Nihat Əliyev SOCAR prezidenti Rövnəq Abdullayevin qohumudur. Bəzi məlumatlara görə, mərhum SOCAR Trading-də ikinci şəxs idi.
* Forbes-in məlumatına görə, Socar Trading əvvəlcə İsveçrədə Azərbaycan neftinin satışı üçün yaradılıb. Amma indi şirkət qlobal treyder kimi fəaliyyət göstərir, digər şirkətlərin neftini də satır. 2018-ci ildə Socar Trading-in qazancı 53,5 milyard dollar təşkil edib (daha yeni məlumat yoxdur).
Rusiyada şirkət "Rosneft" və "Surqutneftqaz"la əməkdaşlıq edir, bu şirkətlərin neftini Türkiyə, Xorvatiya, Bolqarıstan və ABŞ-a ixrac edir. Ana şirkət olan SOCAR 2019-cu ildə Sberbank-la birlikdə hazırda müflislik prosedurundan keçən Antipinski Neft Emalı Zavodunun sərmayəsinə daxil olub. -02В-
* * *
2021 Mart 27 (Şəmbə) 11:03:32
SOCAR-ın işçisi İstanbul otelində öldürüldü
Bakı/26.03.21/Turan: Sosial şəbəkədə SOCAR dövlət şirkətinin Satış üzrə meneceri Nihad Əliyevin öldürüldüyü yerdən video yayılıb.
Videoda hoteldəki otağında çılpaq şəkildə öldürülən Nihad və bir qız görünür.
Daha əvvəl mühacir jurnalist Həbib Muntazir bildirib ki, qətl hadisəsi martın 25-də İstanbulun Beşiktaş rayonunda yerləşən otellərdən birində baş verib.
Öncə “Report” agentliyinin məlumatına görə, o, hospitalda tapança ilə ehtiyatsız davrandığı üçün başından aldığı güllə yarasından ölüb.
Nihad Əliyev SOCAR-ın Prezidenti Rövnəq Abdullayevin dayısı oğlu və SOCAR Trading-in qurucularından biri olan Anar Əliyevin qardaşıdır. —0--
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz