Bakı/05.02.19/Turan: REAL Partiyasının lideri İlqar Məmmədovun işi üzrə kassasiya şikayətinə baxılması martın 28-nə təyin edilib. Bu qərarı bu gün Əhməd Nurməmmədov sədrliyilə Azərbaycan Ali Məhkəməsinin hakim heyəti qəbul edib.
İclasın başqa vaxta keçirilməsinə səbəb müdafiə tərəfinin kassasiya şikayətinə əlavələri təqdim etməsidir. Dövlət ittihamçısı Şövdət Mehralıyev zərərçəkən tərəfin əlavələri ilə tanış olmaq üçün vaxt istəyib.
Lakin vəkil Fuad Ağayev əlavələrin cüzi olduğunu diqqətə çatdırıb.
Buna baxmayaraq, hakim iclasın martın 28-nə keçirilməsi barədə qərar qəbul edib.
Müdafiə tərəfi belə uzun fasilənin verilməsini əsassız hesab edir və bunu prosesin qəsdən yubadılması kimi qiymətləndirir.
Xatırladaq ki, vəkil Fuad Ağayev hələ 2028-ci ilin oktyabrında REAL Partiyasının lideri İlqar Məmmədovun işi üzrə Şəki Apellyasiya Məhkəməsinin 13 avqust tarixli qərarından kassasiya şikayətini Ali Məhkəməyə təqdim etmişdi. Şikayətdə İ.Məmmədova tam bəraət verilməsi məsələsi qoyulub.
Xatırladaq ki, İlqar Məmmədov 2013-cü ilin yanvarında İsmayıllıda baş vermiş kütləvi iğtişaşların təşkilində ittiham olunaraq 7 il azadlıqdan məhrum edilmişdi.
Lakin məhkəmə onun günahını sübut edə bilmədi, beynəlxalq birlik isə onu siyasi məhbus hesab etdi. Avropa İnsan Hüquqları Məhkəməsinin iki qərarına baxmayaraq, ölkə hakimiyyəti uzun müddət onu azadlığa buraxmaqdan imtina edirdi.
2018-ci il avqustun 13-də Şəki Apellyasiya Məhkəməsi İlqar Məmmədovu iki il sınaq müddəti olmaqla vaxtından əvvəl şərti azadlığa buraxıb.-D06-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz