Bakı/20.06.18/Turan: İmişli rayonunda pambıq tarlasında zəhərlənən şəxslərdən hazırda 12 nəfəri xəstəxanadadır. Bu barədə Səhiyyə Nazirliyinin əməkdaşı Səfayə Əhmədova məlumat verib.
Onun sözlərinə görə, zəhərləndiyindən şübhələnən 141 nəfər xəstəxanaya müraciət edib. Sözügedən 12 nəfərdən başqa qalanları müayinədən sonra evə buraxılıb.
Zəhərlənmənin səbəbləri hələlik məlum deyil. Götürülən analizlərin nəticəsi 3-4 gündən bir həftəyədək məlum olacaq.
İmişli xəstəxanasının baş həkiminin sözlərinə görə, 12 nəfərin vəziyyəti stabildir, narahatlığa əsas yoxdur.
Bundan öncə iyunun 16-da Tərtər rayonunda pambıq tarlasında 14 nəfər zəhərlənib. Onların dördü hələ də xəstəxanadadır.
İyunun 10-da Saatlı rayonunda pambıq tarlasında kütləvi zəhərlənmə baş vermişdi. Xəstəxanaya 24 nəfər müraciət etmişdi. Səhiyyə Nazirliyinin məlumatına görə, onların hamısı evə buraxılıb.-06D--
Cəmiyyət
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
Rəy yaz