Açiq mənbələrdən foto.
Bakı/30.12.22/Turan: Dekabrın 29-da gecə Yardımlı rayonunun Perimbel, saat 14:30-da isə Daşkənd kəndləri yaxınlığında sərhədçilər İrandan Azərbaycana qaçaqmalçılıq yolu ilə külli miqdarda narkotik vasitənin keçirilməsinin qarşısını alıblar.
Hər iki halda sərhəd pozucuları sərhədçilərin tələblərinə məhəl qoymayaraq odlu silahdan istifadə ediblər. Onlar yüklərini geridə qoyaraq İrana qaçıblar.
Hər iki halda əraziyə baxış zamanı bağlamalarda ümumi çəkisi 170 kiloqramdan çox müxtəlif növ narkotik vasitə: 20 kiloqramdan çox heroin, 142 kiloqram marixuana, 4,7 kiloqram metamfetamin, 3 kiloqram tiryək və 81 228 ədəd M-40 metadon həbi aşkar edilib.
Silahlı insidentlərlə əlaqədar İranın sərhəd qurumlarının nümayəndələrilə görüş keçirilib.
Hər iki fakt üzrə əməliyyat-axtarış tədbirləri davam edir. Bu barədə dekabrın 30-da Azərbaycan Dövlət Sərhəd Xidməti bildirib. 02D
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz