![Sərdar Babayev](https://turan.az/resized/media/2021/main/111100040746-750-500-resize.webp)
Sərdar Babayev
İrana casusluq etdiyinə görə həbs olunan ilahiyyatçı porno-şantajda ittiham olunur
Bakı/11.11.21/Turan: Cümə axşamı hakimiyyətyönlü İnternet resurslarında dövlətə xəyanətdə ittiham olunan şiə ilahiyyatçı Sərdar Babayevin videogörüntüləri yayılıb. Görüntülərdə onun digər dindarların intim əlaqələrini gizli şəkildə qeydə aldığı məlum olur.
Videonu müşayiət edən mətndə deyilir ki, Babayev gizli çəkilmiş kadrları İrana göndərib. Sonradan İranın xüsusi xidmət orqanları videosu çəkilmiş şəxsləri şantaj edərək onları əməkdaşlığa məcbur ediblər.
Bu gün sosial şəbəkələrdə daha bir video dərc olunub, orada Cəlal Şəfiyev kimi təqdim olunan bir nəfər göstərilib. Şəfiyev özü bu videonu "əxlaqsızlıq" adlandırıb, onu "şeyx Sərdar"a təzyiq cəhdi kimi qiymətləndirib.
"Bu, alçaqcasına böhtandır. Şeyx Sərdar haqda belə videoları ona görə yayırlar ki, o, haqsızlığa, zülmə, xalqın aldadılmasına dözmür. Şeyx Sərdarın həbsi siyasi sifarişdir. O, repressiya qurbanıdır və İranla gərgin münasibətlərə görə həbs edilib",- Şəfiyev bildirib.
Sosial şəbəkələrin istifadəçilərinin məlumatına görə, bu gün Şəfiyev Dövlət Təhlükəsizlik Xidmətinin əməkdaşları tərəfindən saxlanılıb.
Sərdar Babayevə gəlincə, o, oktyabrın 19-da saxlanılıb. Sonradan ona qarşı Cinayət Məcəlləsinin 274-cü (dövlətə xəyanət) maddəsilə cinayət ittihamı irəli sürülüb. O, ittihamları qəbul etmir. –06D-
-
- Siyasət
- 11 Noyabr 2021 14:44
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz