Açiq mənbələrdən foto.
Bakı/19.07.23/Turan: İranda casusluqda ittiham olunan Azərbaycan vətəndaşı Fərid Səfərli barəsində artıq məhkəmə başlamış olsa da, o, hələ də vəkillə təmin edilməyib. Bu barədə Turan-a onun anası Dilarə Əsgərova bildirib.
"Oğlumun hüquqları kobud şəkildə pozulur. Məhkəmədə onu bilmədiyi fars dilində dindirirlər. Fərid 4 aydır qanunsuz olaraq həbsdədir, amma nə Azərbaycan, nə də İran tərəfi onu vəkillə təmin etmir", deyə Əsgərova bildirib.
O, Azərbaycan XİN rəhbərliyinə müraciət etməsinə baxmayaraq, bu idarə tərəfindən oğluna səmərəli yardım göstərilməməsindən gileylənib.
Gəncin anası Azərbaycanın dövlət orqanlarından oğlunun vəkillə təmin edilməsi prosesini sürətləndirməyi xahiş edir.
Əsgərova həmçinin qeyd edib ki, oğlu ilə telefon əlaqəsi kəsilib.
Onun sözlərinə görə, İran hakimiyyəti oğlunun həbs edildiyini etiraf etdikdən sonra iki dəfə onunla telefonla danışıb.
O, həmçinin bildirib ki, Azərbaycanın Təbrizdəki baş konsulluğunun heç bir nümayəndəsi oğlunun işi üzrə məhkəmədə iştirak etmir.
"Oğlum bu barədə sonuncu dəfə onunla telefonla danışdığımız zaman bildirib. Fərid məndən Azərbaycan konsulluğundan niyə heç kimin onun işi üzrə məhkəmə prosesi ilə maraqlanmadığını soruşub", deyə Əsgərova qeyd edib.
O, XİN başçısı Ceyhun Bayramovu oğlu ilə telefon əlaqəsinin bərpası üçün səy göstərməyə, avqustda onunla görüş üçün, habelə gənc vəkillə təmin edilənə qədər konsulluq əməkdaşlarının məhkəmədə iştirakı üçün şərait yaratmağa çağırıb.
Azərbaycan XİN-dən Turan-a bildiriblər ki, "bununla bağlı daha sonra məlumat veriləcək".
İranın Azərbaycandakı səfirliyindən şərh almaq mümkün olmayıb.
AFR-də təhsil alan Fərid Səfərli bu ilin fevralında universitetdə birgə təhsil aldıqları zaman tanış olduğu qızla görüşmək üçün İrana gedib. Martın 4-dən Səfərli ilə əlaqə kəsilib. 3 ay sonra İranda ona qarşı casusluq ittihamı ilə cinayət işi açıldığı məlum olub. 06В
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz