Açiq mənbələrdən foto.
Bakı/13.04.21/Turan: Azərbaycan-İran sərhəddində "Astara" gömrük postunda gömrükçülər İrandan Ukraynaya kartof daşıyan yük maşınında 213 kiloqram heroin aşkar ediblər.
Gömrük Komitəsinin 13 aprel tarixli məlumatında deyilir ki, kartof kisələri DAF yük maşını ilə daşınıb. Yükün yoxlanması zamanı təlim keçmiş it narkotik maddə aşkar edib. 119 kartof kisəsində ümumi çəkisi 213 kiloqram olan 962 bağlama gizlədilib.
Təhqiqat aparılır. Yük maşınının sürücüsünün adı və vətəndaşlığı açıqlanmır. -02В-
Cəmiyyət
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
Rəy yaz