![Тельман Исмаилов](https://turan.az/resized/media/2021/main/102300039959-750-500-resize.webp)
Тельман Исмаилов
İsmayılov Monteneqrodan siyasi sığınacaq alıb
Bakı/23.10.21/Turan: Monteneqro Moskvadakı Çerkizovo Bazarının keçmiş sahibi, Azərbaycan əsilli biznesmen Telman İsmayılova siyasi sığınacaq verib və onu Rusiyaya təhvil verməyəcək. Bu qərarı Podqoritse Ali Məhkəməsi qəbul edib, xəbəri yerli Vijesti nəşri yayıb.
"Sığınacaq verilən şəxs təhvil verilə bilməz", deyə məlumatda bildirilir.
Ali Məhkəmənin hakimi Vladimir Novoviç İsmayılovun ekstradisiya təcridxanasından dərhal azad edilməsi barədə qərar verib. O, artıq onun həbsdə saxlanılması üçün səbəb olmadığını, DİN-in biznesmenin sorğusunu qəbul etdiyini və onun Monteneqroda qalmaq hüququnu təsdiq etdiyini bildirib.
"Təqsirləndirilən şəxs onun təhvil verilməsini tələb edən ölkədə siyasi təqibə məruz qalması ilə əlaqədar beynəlxalq müdafiə ilə təmin edilib", deyə portal hakimin qərarından sitat gətirir.
Rusiyanın ən zəngin biznesmenləri reytinqinə daxil olan İsmayılov 2009-cu ildə hüquq-mühafizə orqanlarının genişmiqyaslı təzyiqi ilə üzləşib. Onun əsas aktivi - Çerkizovo Bazarı bağlanıb. Daha sonra o, bütün digər obyektlərindən məhrum olub.
Həmin vaxt İsmayılovun aktivləri 600-800 milyon dollar olaraq qiymətləndirilirdi.
Hazırda Telman İsmayılov və qardaşı Vaqif barəsində beynəlxalq axtarış elan olunub. Rusiyada onlar adam öldürməkdə və qanunsuz silah dövriyyəsində ittiham olunurlar. Oktyabrın əvvəllərində biznesmen Podqoritsedə saxlanılıb. Rusiya Baş Prokurorluğu Monteneqroya onun ekstradisiyası haqqında sorğu göndərib.
Əslən Azərbaycanlı olan dağ yəhudisi Telman İsmayılov 90-cı illərin əvvəllərində yenidənqurma dalğası dövründə zənginləşib. -02В-
-
- Analitika
- 23 Oktyabr 2021 13:04
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz