Əvəz Zeynallı
İstintaq Əvəz Zeynallının ailə üzvləri ilə telefon danışığını və görüşünü qadağan edib
Bakı/12.01.23/Turan: "Xural TV" internet televiziyasının həbsdə olan rəhbəri Əvəz Zeynallı ailəsi ilə göürüşünə və telefon danışıqlarına istintaq orqanı tərəfindən qadağa qoyulmasından narahatdır. Bu barədə Turan-a vəkil Fəxrəddin Mehdiyev jurnalistlə görüşündən sonra bildirib.
Vəkil qadağanın əsassız olduğunu qeyd edib, belə ki, qanun təqsirləndirilən şəxsin ailə üzvləri ilə həftədə iki dəfə telefon danışığına və ayda dörd dəfə görüşünə zəmanət verir.
Məhkəməyə istintaq orqanının tətbiq etdiyi bu qadağanın götürülməsi xahişi ilə verilən şikayət təmin edilməyib. Müdafiə tərəfi bununla bağlı Avropa İnsan Hüquqları Məhkəməsinə müraciət etmək niyyətindədir.
Mehdiyev həmçinin Zeynallı ilə bağlı hər hansı istintaq hərəkəti aparılmadığını bildirib.
* Vəkil Elçin Sadıqov və "Xural TV" saytının təsisçisi Əvəz Zeynallı sentyabrın 10-da rüşvət alma ittihamı ilə saxlaanılıb, senyabrın 11-də isə məhkəmə hər ikisi barəsində həbs qərarı çıxarıb.
Sentyabrın 17-də Bakı Apellyasiya Məhkəməsi Sadıqovu ev dustaqlığına keçirib.
Sonradan Zeynallıya qarşı CM-in 312.1.1 (vəzifəli şəxsin qərarına qanunsuz təsir göstərə – nüfuz alveri) maddəsi ilə yeni ittiham irəli sürülüb. Dekabrın 29-da Zeynallının həbs müddəti 3 ay uzadılıb. 03B06
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz