Мустафа Гаджибейли
Bakı/11.01.19/Turan: Yanvarın 11-də Bakı Ağır Cinayətlər Məhkəməsində Səbuhi Hüseynovun sədrliyi ilə bastainfo saytının redaktoru Mustafa Hacıbəylinin işi üzrə hazırlıq iclası başlayıb.
O və vəkili ittihamların əsassız olması ilə əlaqədar cinayət icraatına xitam verilməsi haqqında vəsatət qaldırıblar.
Hacıbəyli bildirib ki, o, yarım ildir siyasi sifarişlə təqib edilir.
"Bu, sifarişli işdir. Məni əvvəlcə şahid qismində cəlb etdilər, baxmayaraq ki, evimizə polis göndərmişdilər. Bu zaman telefonumu, kompüterimi, sənədlərimi müsadirə ediblər, uzun müddət kriminal axtarıblar, amma tapmayıblar.
Heç nə tapmadıqlarına görə üç qadını işə cəlb ediblər ki, guya mənim nəşrlərim onları sarsıdıb", deyə Hacıbəyli bildirib.
Onun sözlərinə görə, qeyd edilən məqalə Turan agentliyinin materialının təkrar nəşridir və KİV haqqında qanunun 62-ci maddəsinə əsasən, təkzib edilməyən materialın təkrar nəşrinə görə KİV məsuliyyət daşımır.
Amma məhkəmə vəsatəti təmin etməyib və mahiyyəti üzrə dinləmələri yanvarın 22-nə təyin edib.
* İyulun 9-da Baş Prokurorluq İnternetdə Gəncənin icra başçısı Elmar Vəliyevə qarşı sui-qəsd və demək olar ki, bütün Azərbaycanın elektrik təchizatından məhrum olmasına gətirib çıxaran Mingəçevirdə enerji böhranı ilə bağlı "yalan məlumatların" və "qanunsuz çağırışların" yayılması haqqında cinayət işi açıb.
Bundan sonra prokurorluq "bastainfo.com", "criminalaz.com", "topxeber.az" və "fia.az" saytlarının bloklanması üçün Rabitə Nazirliyinə müraciət edib.
Əvvəlcə Hacıbəyli şahid qismində keçirdi. Amma noyabrın 30-da o, təqsirləndirilən şəxs statusuna keçirilib. Ona qarşı CM-in 281.2 (dövlətə qarşı çağırışlar), 309.2 (vəzifə səlahiyyətlərini aşma) və 313-cü (vəzifə saxtakarlığı) maddələri ilə ittihamlar irəli sürülüb.
Redaktor barəsində polis nəzarəti qətimkan tədbiri seçilib.
Mustafa Hacıbəyli Azərbaycanın görkəmli müxalif jurnalistlərindən biridir. O, 20 ildən çox müxtəlif Azərbaycan KİV-lərində işləyib. O, həmçinin Müsavat Partiyasının sədri Arif Hacılının qardaşıdır. -16/03D-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz