Мустафа Гаджибейли
Jurnalist Mustafa Hacıbəylinin məhkəməsində
Bakı/20.02.19/Turan: Fevralın 19-da Bakı Ağır Cinayətlər Məhkəməsində hakim Səbuhi Hüseynovun sədrliyilə bastainfo.com saytının baş redaktoru Mustafa Hacıbəylinin işi üzrə proses davam edib.
* İyulun 9-da Baş Prokurorluq Gəncənin icra başçısı Elmar Vəliyevə sui-qəsd və Mingəçevirdə elektrik enerjisinin kəsilməsi nəticəsində bütün ölkənin işıqsız qalması ilə bağlı İnternetdə yayılan "yalan məlumatlar" və "qanunsuz çağırışlar"a dair cinayət işinin qaldırıldığını bildirmişdi. Bundan sonra prokurorluq "bastainfo.com", "criminalaz.com", "topxeber.az" və "fia.az" saytlarının bağlanması barədə Rabitə Nazirliyinə müraciət etmişdi.
Öncə M.Hacıbəyli iş üzrə şahid kimi keçib. Ancaq noyabrın 30-da müttəhim statusuna keçirilib.
Ona qarşı Cinayət Məcəlləsinin 281.2 (dövlət əleyhinə yönələn açıq çağırışlar), 309.2 (vəzifə səlahiyyətlərini aşma) və 313 (vəzifə saxtakarlığı) maddələri ilə ittiham irəli sürülüb.
M.Hacıbəylinin barəsində polis nəzarətinə götürülmə üzrə qətimkan tədbiri seçilib. O, ittihamları rədd edir.
19 fevral iclasında məhkəmə M.Hacıbəylinin prosesin video və audioçəkilşi ilə bağlı vəsatətini təmin etməyib.
Sonra şahidlər - Zülfiyyə Babayeva və İlahə Xalidovanın ifadələri dinlənilib. Onlar bildiriblər ki, daimi iş yerləri yoxdur. Qadınlar deyiblər ki, saytdakı məqaləni oxuyunca narahat olublar, ona görə də prokurorluğa müraciət ediblər.
M.Hacıbəylinin və vəkil Osman Kazımovun suallarını cavablandıran şahidlər deyiblər ki, onlar Gəncənin keçmiş icra başçısı Elmar Vəliyeyə sui-qəsd barədə məqalədən narahat olublar. Lakin qadınlar onları narahat edən məqalədən bir cümlə belə xatırlaya bilməyiblər.
"Elmar Vəliyevə hücum olduğu yazılmışdı. Orada iğtişaşlara çağırışlar olub, ona görə də mən qorxdum", - Babayeva deyib.
M.Hacıbəyli deyib ki, "Elmar Vəliyevə hücum" məqaləsi ekspertizaya göndərilib. Lakin ekspert məqalədə qanun pozuntusunun olmadığına dair rəy verib, ancaq onu ittihama daxil etməyiblər.
"Görünür, şahidləri təlimatlandıranlar bilməyiblər ki, "Elmar Vəliyevə hücum" məqaləsi məhkəmə istintaqı predmeti deyil", - M.Hacıbəyli vurğulayıb.
Öz növbəsində vəkil O.Kazımov təklif edib ki, məqaləni şahidə versinlər və o, "dövlət əleyhinə olan cümlələr"dən birini göstərsin. Lakin hakim Hüseynov təklifi qəbul etməyib.
M.Hacıbəyli şahid ifadələrinin sübutlar siyahısından çıxarılmasını təklif edib. Hakim deyib ki, bu məsələyə sübutların dəyərləndirilməsi mərhələsində baxıla bilər. Hakim M.Hacıbəyliyə qısa şəkildə "sual-cavab" formasında çıxış etməyi təklif edib. Lakin M.Hacıbəyli razılaşmayıb və deyib ki, çıxış üçün ona minimum 1 saat lazımdır.
Bununla əlaqədar onun çıxışı növbəti iclasa, fevralın 21-nə qalıb.-06D-
Cəmiyyət
-
Lider mobil operator 6-7-ci sinif şagirdlərini İnformatika və Proqramlaşdırma Müsabiqəsində iştirak etməyə dəvət edir “Azercell Telekom” Azərbaycan Respublikası Elm və Təhsil Nazirliyi və Təhsil İnstitutu ilə birgə əməkdaşlıq çərçivəsində növbəti “AZERCELL CUP” müsabiqəsini elan edir. Məktəblilərin informatika və kompüter elmləri sahəsində inkişafının dəstəklənməsi məqsədi daşıyan müsabiqədə 6-7-ci sinif şagirdləri iştirak edəcək.
-
May ayının 12-də Dövlət Sərhəd Xidmətinin Sahil Mühafizəsinin sahil nəzarəti bölmələri, texniki müşahidə məntəqəsi və sərhəd gözətçi gəmisinin qarşılıqlı fəaliyyəti nəticəsində Ələt reydində Xəzər dənizinin Azərbaycan Respublikasına mənsub bölməsində sahildən 10.7 mil məsafədə ümumi çəkisi 26 kiloqram narkotik vasitə marixuana aşkar olunaraq götürülüb.
-
Mayın 15-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, gün ərzində əsasən yağmursuz keçəcəyi gözlənilir. Lakin gecə bəzi yerlərdə yağış yağacağı, qısamüddətli intensivləşəcəyi ehtimalı var. Şimal-qərb küləyi əsəcək. Havanın temperaturunun gecə 10-13 dərəcə, gündüz 16-19 dərəcə isti olacağı ehtimal edilir.
-
Daxili İşlər Nazirliyi Baş Narkotiklərlə Mübarizə İdarəsi Astara rayonunun Sım kəndində keçirdiyi növbəti əməliyyat zamanı narkotik vasitələrin qanunsuz dövriyyəsilə məşğul olan kənd sakinləri Xətai Xalıqov və onun qohumu Afşin Salayevi saxlayıblar. Bu barədə Daxili İşlər Nazirliyinin məlumatında deyilir.
Rəy yaz