Nurlan Jafari
Jurnalist Nurlan Cəfəri 15 gün müddətinə həbs edilib
Bakı/31.03.23/Turan: Martın 30-da Bakıda müxalifətçi Əlizamin Salayevin müdafiəsi məqsədilə keçirilən etiraz aksiyasında 50-dən çox fəal saxlanılıb. Onların əksəriyyəti bir neçə saat sonra heç bir cərimə tətbiq edilmədən sərbəst buraxılıb. Aksiyanın dörd iştirakçısı - Bəbək Həsənli, Kənan İsmayılov, Hüseyn İbrahimov və Cavid Zülfüqarlı inzibati qaydada 50 manat (30 dollar) cərimə olunub, bu barədə "Müdafiə Xətti" hüquq müdafiə təşkilatının üzvü Zəfər Əhmədov bildirib.
Bununla belə, onun sözlərinə görə, AXCP-nin Səbail rayon təşkilatının sədri Ceyhun Novruzov və partiyanın fəalı Səhlədar İsgəndərli polis bölməsindən buraxılmayıb.
Bundan başqa, nümayişdə çəkiliş apararkən fiziki təzyiqə məruz qalan və mobil telefonu zədələnən jurnalist Nurlan Cəfərli aksiyadan sonra inzibati qaydada həbs edilib.
Cəfəri özü aksiyadan sonra Facebook səhifəsində DİN rəhbərliyinə müraciət ünvanlayaraq, polis əməkdaşlarının hərəkətlərindən şikayət edib.
https://www.facebook.com/100010805351929/videos/124419703855604
O bildirib ki, aksiyada Time TV üçün çəkiliş aparırdı, amma mülki geyimli polis əməkdaşı ona qarşı güc tətbiq edib və nəticədə mobil telefonunun ekranı zədələnib.
Bu yazı dərc edildikdən sonra Cəfəri kafedən çıxarkən mülki geyimli şəxslər tərəfindən saxlanılıb.
İki saat sonra Cəfəri həmkarına zəng edib və Yasamal rayon məhkəməsinin onun barəsində 15 gün inzibati həbs qərarı çıxardığını bildirib.
DİN-in mətbuat xidmətinin nümayəndəsi İbrahim Əmiraslanlı jurnalistin həbs edildiyini təsdiq edib.
Onun sözlərinə görə, "qanunsuz aksiya zamanı" Cəfəri polis əməkdaşlarının xidməti fəaliyyətinə kobud şəkildə mane olaraq, onlara vurmağa çalışıb".
"Bu əməllə əlaqədar o, polis orqanına çağırılıb, burada ona qanunsuz əməllərinin dəlilləri təqdim edilib. Barəsində toplanan materiallar məhkəməyə göndərilib və məhkəmənin qərarı ilə o, 15 gün müddətinə həbs edilib", deyə Əmiraslanov bildirib. 06В
Cəmiyyət
-
Ailə, Qadın və Uşaq Problemləri üzrə Dövlət Komitəsi 2023-cü il üçün illik hesabatını dərc edib. Sənəd ölkədə məişət zorakılığı ilə bağlı vəziyyətə işıq salır. Məruzədə əvvəlki illə müqayisədə qeydiyyata alınan halların sayının bir qədər azaldığı qeyd edilsə də, bu cür hadisələrin yayılma səviyyəsi və nəticələri ilə bağlı narahatlıqlar davam edir.
-
Azərbaycan Yerüstü Nəqliyyat Agentliyi bildirib ki, müvəqqəti sxemə əsasən, E1 və 125 nömrəli avtobus marşrutlarının hərəkəti alternativ küçələrlə həyata keçirilir.
-
Mayın 19-da içində İran prezidenti İbrahim Rəisi, xarici işlər naziri Hüseyn Əmir Abdullahian və bir neçə digər rəsmi şəxsin olduğu helikopter qəzaya uğrayıb. Mayın 20-də səhər saatlarında İranın rəsmi şəxsləri prezidentin və onun komandasının həlak olduğunu açıqlayıb. Qəzaya ilkin səbəb kimi əlverişsiz hava şəraiti göstərilir.
-
Mayın 21-də Bakıda və Abşeron yarımadasında hava şəraitinin dəyişkən buludlu, yağmursuz keçəcəyi gözlənilir. Səhər və axşam zəif duman olacaq. Şimal-qərb küləyi əsəcək. Havanın temperaturu gündüz 19-24 dərəcəyə qədər yüksələcək.
İran Prezidentinin də həlak olduğu helikopter qəzasına görə məsuliyyəti kim daşıyır? – Sədrəddin Soltan Çətin sualda
Xəbər lenti
-
- Cəmiyyət,
- 13:08
- 148
Rəy yaz