Açiq mənbələrdən foto.
Konfrans Liqasının futbol matçları ilə əlaqədar Bakı metropoliteni gücləndirilmiş rejimdə işləyəcək
Bakı/09.08.23/Turan: Avqustun 9-10-da Bakıda futbol üzrə Konfrans Liqasının üç matçının keçirilməsilə əlaqədar Bakı metropoliteninin iki stansiyası gücləndirilmiş iş rejiminə keçəcək.
Belə ki, Tofiq Bəhramov adına Respublika Stadionunda "Qarabağ" və Finlandiyanın HİK komandaları arasında matçla əlaqədar idman arenasının yanında yerləşən "Gənclik" metro stansiyasının iş rejimi dəyişdiriləcək.
Əsasən, azarkeşlərin metro stansiyasından stadiona təhlükəsiz keçməsi üçün sərnişin axını tənzimlənəcək.
Matçdan sonra sərnişinlərin daşınması ehtiyat vaqonların hesabına intensivləşdiriləcək.
Bakı "Neftçi" və İstanbulun "Beşiktaş" komandaları arasında oyunun "Neftçi Arena" stadionunda keçirilməsilə əlaqədar "Xalqlar dostluğu" metro stansiyasında da analoji tədbirlər görüləcək.
Avqustun 9-da Bakıda Konfrans Liqasının daha bir oyunu paytaxtın "Sabah" və Belqradın "Partizan" komandaları arasında olacaq. Matç Masazır qəsəbəsindəki "Əlincə Arena"da keçiriləcək. 06B
Cəmiyyət
-
Cümə axşamı Bakıda və Abşeron yarımadasında hava şəraiti dəyişkən buludlu, əsasən yağmursuz olacaq. Axşam arabir yağış yağacağı gözlənilir. Şimal-qərb küləyi əsəcək. Havanın temperaturu gecə 5-8 dərəcə isti, gündüz 8-11 dərəcə isti olacaq. Nisbi rütubət 70-80 % olacaq.
-
Bələdiyyə seçkiləri ilə əlaqədar heç bir beynəlxalq müşahidəçi dəvət edilməyəcək. Bunu Mərkəzi Seçki Komissiyasının (MSK) dekabrın 2-də keçirilən iclasında qurumun sədri Məzahir Pənahov deyib.
-
Dekabrın 3-də Sumqayıt şəhərində 5 mərtəbəli yaşayış binasında baş verən partlayışın səbəblərini müəyyənləşdirmək məqsədilə təhqiqat aparılır, araşdırma başa çatdıqdan sonra ictimaiyyətə məlumat veriləcək.
-
Çərşənbə günü paytaxtda hava tutqun olacaq, səhər və axşam yağış gözlənilir. Səhər zəif duman olacaq. Cənub-şərq küləyi əsəcək. Havanın temperaturu gecə müsbət 6 +8, gündüz müsbət 8 + 11, rütubət 70-80 faiz olacaq.
Rəy yaz