Photo TURAN.
Bakı/20.06.22/Turan: İyunun 20-si Bakı Ağır Cinayətlər Məhkəməsində hakim Əli Məmmədovun sədrliyi ilə LGBT+ nümayəndəsi Əvəz Hafizlinin qətlində təqsirləndirilən şəxs Əmrulla Gülaliyevin məhkəmə prosesi onlayn qaydada keçirilib.
Məhkəmə Əvəz Hafizlinin ailə üzvləri və vəkili olmadan keçiirlib. Mahiyyəti üzrə dinləmələr iyulun 4-nə təyin edilib.
Məhkəmə prosesi bitdikdən sonra bir qrup fəal məhkəmə zalının qarşısında etiraz ediblər. Onlar Əvəz Hafizlinin sadəcə qətilə yetirilmədiyini, onun qətlinə LGBT üzvü olmasının səbəb olduğunu və buna görə də Əvəzin qətlinin siyasi olduğunu bildiriblər.
Fəallar "Əvəzin qatili dövlətdir", "Cinayət Məcəlləsini yenilə" və s. şüarlar yazılan plakatlar qaldırıblar. Polis plakatları iştirakçıların əlindən alıb.
Xatırladaq ki, fevralın 22-si Əvəz Şıxməmmədov (Hafizli) əmisi oğlu Əmrulla Gülalıyev tərəfindən öldürülüb. Təqsirləndiirlən şəxs sərxoş olduğunu və aralarında yaranan mübahisə zamanı cinayəti törətdiyini bildirib.
Hafizli reportyor idi və etiraz aksiyalarını, o cümlədən LGBT nümayəndələrinin təqiblərinə qarşı etiraz aksiyalarını işıqlandırırdı. O, açıq təhdidlərə məruz qalırdı və təqsirkarların cəzalandırılması tələbi ilə təkbaşına aksiyalar keçirirdi. 30B06
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz