Bakı/05.02.20/Turan: London Yüksək Məhkəməsi vətənində mənimsəməyə görə 17 il azadlıqdan məhrumetmə cəzasına məhkum edilmiş Azərbaycan Beynəlxalq Bankının keçmiş sədri Cahangir Hacıyevin həyat yoldaşı Zamirə Hacıyevanın apellyasiya şikayətini təmin etməyib.
Gəliri olmayan Hacıyeva Londonda firəvan yaşayırdı, bu, Böyük Britaniyanın Milli Cinayətkarlığa qarşı Mübarizə Agentliyinin (NCA) şübhəsinə səbəb olub. O, Londonun təmtəraqlı bölgəsində ev və əyalətdə qolf klubu almaq üçün pulu haradan aldığını izah edə bilməyib.
Hacıyeva özünü Azərbaycanda ədalətsiz təqibin qurbanı hesab edir və hər şeyin qanuni yolla qazanıldığını deyir. İndi o, yeddi gün ərzində öz zənginliyinin izahını verməlidir. O, bunu etməsə NCA məhkəmədən onun əmlakını müsadirə etməyi xahiş edəcək, daha sonra isə onları satacaq. Əldə edilmiş vəsait Böyük Britaniyanın xəzinəsinə gedəcək. -02D-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz