Media-icmal 06.10.20

“Azərbaycan” qəzeti  “Mətyu Brayzə: Ermənilərin Azərbaycanın mülki əhalisini atəşə tutması onların ümidsiz olmalarından xəbər verir” sərlövhəli məqalədə hazırda davam edən hərbi əməliyyatlar zamanı erməni tərəfin davranışı barədə ABŞ-ın Azərbaycanda səfiri olmuş M. Brayzanın fikirlərinə yer verib.

Keçmiş səfir deyir ki, Azərbaycanın əldə etdiyi uğurlar göz qabağındadır,  Ermənistanın isə Azərbaycanın dinc əhalisini atəşə tutması onların ümidsiz olduqlarından xəbər verir.

Mətyu Brayzə əlavə edir ki, Ermənistanın Azərbaycana raket hücumları təxribat xarakteri daşıyır: “Bununla onlar Azərbaycanın da cavab olaraq Ermənistanın mülki əhalisini vurmasını və Kollektiv Təhlükəsizlik Müqaviləsi Təşkilatının Azərbaycana qarşı savaşa cəlb olunmasını istəyirlər” deyə keçmiş səfir bidirir.

O vurğulayır ki, N.Paşinyan öz hərəkətləri ilə özünü çox təhlükəli bir vəziyyətə salıb, Ermənistan Azərbaycanın işğal olunmuş torpaqlarını geri qaytarmalıdır.

M.Brayzə deyir ki, Paşinyan Rusiyadan yardım istəyir, lakin Moskva da görür ki, Ermənistan beynəlxalq prinsipləri pozaraq ATƏT-in Minsk qrupunun danışıqlar formatından imtina edib.

“Hit.az” saytı  isə “Qarabağın Azərbaycan iqtisadiyyatına qazandıracağı 6 üstünlük” sərlövhəli məqalədə işğalda olan ərazilər azad olunduqdan sonra bunun iqtisadiyyata təsirlərini iqtisadçı Rəşad Həsənovla dəyərləndirir.

Ekspert işğalda olan ərazilərin azad edilməsinin Azərbaycana iqtisadi cəhətdən müsbət təsirlərilə bağlı deyir ki, Qarabağ kənd təsərrüfatı və turizm üçün əvəzsizdir: “Burada kənd təsərrüfatı, turizm və istehsal üçün kifayət qədər səmərəli torpaqlar var. Ən önəmli məsələ bu torpaqların Azərbaycan iqtisadiyyatına qazandırılmasıdır”.

Ona görə, Qarabağ Azərbaycana xarici investisiyanı kəskin artıracaq,

Azərbaycana xarici investisiya axını kəskin artacaq:

“Birincisi, Qarabağın azad edilməsi ilə təmir bərpa işlərinə başlanılacaq. Bu isə beynəlxalq fondların bu istiqamətdə prosesə cəlb edilməsi deməkdir. BMT bu istiqamətdə 5 milyard dollar ayırıb, amma mövcud vəziyyətlə bağlı bu vəsait dondurulub”.

Onun sözlərinə görə, bəzi beynəlxalq maliyyə institutları da vəsaitlər ayırıblar. 

Ekspert hesab edir ki, sülhün bərpası bölgəyə, o cümlədən Azərbaycana xarici investor marağını kəskin artıracaq, dövlət büdcəsi əlavə yükdən xilas olacaq və sosial xərclərə yönələcək, tikinti sektoru canlanacaq, məşğulluq artacaq

Qələbə ilk 5 ildə 15-20 milyard yatırım deməkdir.

Qarabağ iqtisadiyyat üçün neftdən də əhəmiyyətlidir, çünki bu ərazi davamlı inkişaf göstərən bölgədir”.

“Redaktor.az”saytı isə “ATƏT-in Minsk Qrupu Azərbaycana lazım deyil” - sərlövhəli məqalədə deputat Elman Nəsirovun ATƏT-in Minsk qrurpunun fəaliyyətinə dair düşüncələrinə yer verib.

Müəllif yada salır ki, “ATƏT-in Minsk qrupunun həmsədrlərindən biri, Fransa Prezidenti Emanuel Makronun birtərəfli erməni mövqeyi nümayiş etdirib, bununla da işğalçılığı dəstəkləyib.

Deputat E.Makronun mövqeyilə bağlı deyir ki, belə halda sülhə nail olmaq olmur, ona görə də proses 30 ildir ki, uzanır.

Deputat Makronun Dağlıq Qarabağın Azərbaycana qaytarılmasına imkan verməyəcəkləri ifadəsini yada salır və bunu Azərbaycanın ərazi bütövlüyünü tanımaması kimi dəyərləndirir.

Deputat deyir ki, belə hallara görə də müharibə əməliyyatları başladı və hazırda Azərbaycan Ordusu düşmən üzərində möhtəşəm qələbə qazanır, tarix yazır.