Mehdiyevin və Novruzovun cəzalandırılması cəmiyyətin mənfi reaksiyasına cavab oldu

Bakı/22.08.20/Turan: Azərbaycan Elmlər Akademiyasının prezidenti Ramiz Mehdiyevin kürəkəni, keçmiş deputat İlham Əliyevin karantin qadağasına baxmayaraq, qızına toy etdiyinə görə 15 sutkalığa həbs edilməsi barədə xəbər sensasiya yaradıb. Polis həmçinin onun qudası Rövşən Mustafayevi də saxlayıb. Onlar İnzibati Xətalar Məcəlləsinin 211.1-ci maddəsi ilə ittiham olunurlar.

Bu toydan videoyazılar sosial şəbəkədə fəal şəkildə yayılır, videoda toyun iştirakçıları - töhmət alan deputat Siyavuş Novruzov, onun xanımı, ombudsman Səbinə Əliyeva, Bakı Dövlət Universitetinin keçmiş rektoru Abel Məhərrəmov, Ramiz Mehdiyev və digərləri görünür.

“Qanun sərtdir, amma ədalətlidir. Başda “kiçik əhəmiyyətsiz adam” Abel Məhərrəmov (bu, onun sağlıq deyərkən özünə və eyni zamanda toyun bütün qonaqlarına dediyi tərifdir - Red.) ölkənin ali rəhbərliyinin qəbul etdiyi qərarların konkret əleyhdarları kimi baxmaq olar. Çünki onlar ətrafdakıları ölümcül virusa yoluxma təhlükəsinə məruz qoyublar”, - keçmiş DTK podpolkovniki Akif Həsənov Facebook-da yazıb.

Ramiz Mehdiyevin ailə üzvlərinin cəzalandırılması barədə qərarın hansı səviyyədə qəbul edilməsi, bu adamların mühakimə edilməsi Azərbaycanda ciddi qanunçuluq erasının başlanması deməkdirmi?

Deputat Siyavuş Novruzov  Turan-ın sualına cavabında bildirib ki, Milli Məclisdə iştirak edir və danışa bilməz. Milli Məclisin Etika komissiyasının sədri Eldar İbrahimov mobil telefona cavab vermir.

Vəkil və deputatlığa keçmiş namizəd Cavad Cavadov facebook səhfəsində yazır ki, Azərbaycanda məmurlar arasında belə ənənə olsaydı, ombudsman Səbinə Əliyeva istefa verməli olardı. İstefa verməyəcəyi üçün yaxşı olardı ki, xalqdan üzr istəsin.

Hüquq müdafiəçisi Səidə Qocamanlı Turan-a müsahibəsində qeyd edib ki, Azərbaycanda qanunçuluğun yeni erasının başlandığını və ya baş verənlərin yalnız qanunçuluq görüntüsü olduğunu söyləmək çətindir. Lakin ilk dəfə olaraq ölkənin bütün vətəndaşlarının qanun qarşısında bərabərliyini, heç bir reqaliyanın, vəzifənin, xidmətlərin və s. dövlətin pozuculara olan münasibətinə təsir göstərmədiyini ortaya qoymağın özü artıq yaxşı haldır. S. Qocamanlı diqqəti ona yönəldib ki,  məhkəmənin qərarında qanun pozucusu İlham Əliyevin cəzasını harada - müvəqqəti saxlama yerlərində və ya evdə çəkdiyi göstərilmir.—0—