Gültəkin Hacıbəyli
Bakı/01.02.23/Turan: Bu gün Bakının Nəsimi Rayon Məhkəməsi Demokratik Qüvvələrin Milli Şurasının Koordinasiya Mərkəzinin üzvü Gültəkin Hacıbəyli barəsində bəraət hökmü çıxarıb.
Vəkil Aqil Lahıc bildirib ki, məhkəmə istintaqı zamanı Hacıbəylinin 147.2-ci maddə (ağır cinayətdə ittiham etməklə böhtan) ilə təqsiri sübuta yetirilməyib.
Ona qarşı sosial şəbəkə istifadəçisi "Leyla Arif" xüsusi ittiham qaydasında ittiham irəli sürmüşdü. O, Hacıbəylinin "talış" və "separatçı" anlayışlarını eyniləşdirdiyini iddia edirdi.
Hacıbəyli yalnız 1993-cü ildə Azərbaycanın cənubunda Talış-Muğan Respublikasını elan edən, buna görə ömürlük həbsə məhkum olunan Əlikram Hümmətovun fəaliyyətinə bərat qazandırılması ilə razı olmadığını bildirmişdi. 06B
Cəmiyyət
-
Sentyabrın 27-də Azərbaycanda Anım Günü qeyd olunur. Həmin gün 44 günlük İkinci Qarabağ müharibəsi başlayıb. Azərbaycan hökuməti həmin savaşda və ötənilki birgünlük hərbi əməliyyatlar nəticəsində ölkənin ərazi bütövlüyünün təmin edildiyini açıqlayıb.
-
Şənbə günü, sentyabrın 28-də Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Şimal-şərq küləyi əsəcək. Havanın temperaturu gecə 15-19° isti, gündüz 22-26° isti olacaq, xəbəri Milli Hidrometeorologiya Xidməti yayıb.
-
Milli Hidrometeorologiya Xidmətinin məlumatına görə, sentyabrın 28-i gündüzədək bəzi rayonlarda qeyri-sabit hava şəraitinin davam edəcəyi, fasilələrlə yağış yağacağı, şimşək çaxacağı gözlənilir. Naxçıvanda, Kiçik və Böyük Qafqaz dağlarında, həmçinin mərkəzi aran zonasında yağıntıların leysan xarakterli intensiv olacağı, dolu düşəcəyi, yüksək dağlıq ərazilərdə qar yağacağı ehtimalı var.
-
Bu gün, sentyabrın 26-da Nyu-Yorkda Azərbaycan və Ermənistan xarici işlər nazirlərinin sülh danışıqları ilə bağlı görüşü gözlənilir. Görüş ABŞ dövlət katibi Antoni Blinkenin iştirakı ilə baş tutmalıdır. Dövlət katibi BMT Baş Assambleyasının illik sessiyası çərçivəsində Nyu-York mehmanxanasında nazirləri bir araya gətirməlidir. Bu, E.Blinkenin onlarla üç ayda ABŞ ərazisində ikinci üçtərəfli görüşü olacaq. Üç diplomat sonuncu dəfə bu il iyulun 10-da Vaşinqtonda keçirilən NATO sammiti zamanı bir araya gəliblər.
Rəy yaz