Bakı/03.01.19/Turan: Bu gün Bakıda "Neftçilər" metro stansiyasının yaxınlığında bloger Mehman Hüseynovun azadlığa buraxılması tələbilə aksiya keçirilib. Aksiyada AXCP üzvləri və bir sıra ictimai fəallar iştirak ediblər.
10-15 nəfər aksiya iştirakçısı "Mehman Hüseynova azadlıq!", "Siyasi məhbuslara azadlıq!" şüarlarını səsləndiriblər.
Aksiya başlayandan on beş dəqiqə sonra polis əməkdaşları iştirakçıları, o cümlədən qadınları saxlayıb. Saxlanılanları Nəsimi Rayon Polis İdarəsinin 24-cü bölməsinə aparıblar.
Piket iştirakçılarından biri aksiyanın baş tutduğunu söyləyib.
"Polis müdaxiləsinə baxmayaraq, etiraz aksiyası baş tutdu. Biz ictimaiyyətin diqqətini siyasi məhbuslar probleminə yönəldə bildik", - o bildirib.
* Mehman Hüseynov 2017-ci ilin martında həbs olunub və Nəsimi rayon polis rəisinin böhtanla bağlı iddiası əsasında 2 il azadlıqdan məhrum edilib.
Dekabrın 26-da ona qarşı koloniya əməkdaşını döyməsilə bağlı yeni ittiham irəli sürülüb və o, karserə salınıb. M.Hüseynov etiraz olaraq quru aclığa başlayıb. Dekabrın 30-da blogerin səhhəti kəskin pisləşib. Bundan sonra doğmalarının təkidilə quru aclığı dayandırıb və su içməyə başlayıb.
Hüquq müdafiəçiləri əmindirlər ki, M.Hüseynov yüksək vəzifəli şəxslər arasında korrupsiya hallarını ifşa etdiyinə, həmçinin hakimiyyəti tənqid etdiyinə görə təqib olunur.
Aksıya zamanı saxlanılanlar arasında jurnalistlər Əfqan Sadıqov (Azel TV), Nurlan Qəhrəmanov (Kanal-13), Əli Abdinov ("Azərbaycanın səsi" saytı) və Sevinc Vaqifqızı da var. -06B---
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz