Mehriban Vəliyeva: “Müəllim tədrisə cəlb olmaq istəyirsə peyvənd olunmalı, ya da əks-göstəriş sertifikatına malik olmalıdır”

Bakı/22.09.21/Turan: “Təəssüf ki, hələ də vaksinasiyadan keçməyən təhsil işçiləri var. Həmin müəllimlər də təbii ki, tədrisə cəlb olunmur”, - Bakı Şəhər Təhsil İdarəsinin müdiri Mehriban Vəliyeva sentyabrın 22-də jurnalistlərə bildirib.

Onun sözlərinə görə, bu məsələyə məktəb rəhbərliyi cavabdehdir və bunu nəzarətdə saxlayaraq tənzimləyirlər.

Vəliyeva xatırladıb ki, müəllimlər tədrisə cəlb olunmaq üçün mütləq şəkildə ya COVID-19 pasportuna, ya immunitet, ya da əks-göstəriş sertifikatına malik olmalıdırlar.

Onun fikrincə, əgər bir təhsil muəssisəsi işçilərinin 80 faizindən çoxu peyvənd olunubsa, həmin məktəbdə tədris prosesinin tənzimlənməsi mümkündür.

İdarə müdiri əlavə edib ki, bütün bu tələblər təmin olunduğu üçün 310 məktəbin hamısında əyani tədris bərpa olunub.

Sentyabarın 22-dən Azərbaycand yeni tədris ili başlayır. Ölkənin bütün təhsil müəssisələrində tədris ənənəvi şəkildə ikimərhələli təşkil edilir. 2021-2022-ci tədris ilində I-IV iniflərdə 643333 şagirdin təhsil alacağı gözlənilir. 2021-2022-ci ildə ümumtəhsil müəssisələrində 1589829 şagirdin təhsil alacağı proqnozlşadırılır.

Bakı Şəhər Təhsil İdarəsinin tabelyindəki məktəblərdə 471 661 şagird təhsil alacaq, hazırda respublikada 4435 məktəb faliyyət göstərir. -05D-