Bakı/02.10.19/Turan: Ailə, Qadın və Uşaq Problemləri üzrə Dövlət Komitəsi gender zorakılığı və uşaqlara qarşı zorakılıq üzrə Monitorinq qruplarının nəzdində İşçi qruplarının (şəbəkələrin) fəaliyyət qaydalarını hazırlayıb.
Sənədi oktyabrın 2-də Beynəlxalq Mətbuat Klubunda Dövlət Komitəsinin sədr müavini Sədaqət Qəhrəmanova təqdim edib. O bildirib ki, sənəd BMT-nin Qaçqınlar üzrə Komissarlığının yardımı ilə hazırlanıb.
Üçsəhifəlik sənəddə deyilir ki, yeni yaradılan qrupların vəzifəsi hakimiyyət, hüquq-mühafizə, səhiyyə orqanları, təhsil, ictimai təşkilatlar, qəyyumluq orqanları və monitorinq üzrə sosial müəssisələrin məişət zorakılığının monitorinqi, qarşısının alınması və onlarla mübarizə istiqamətində səylərinin koordinasiyası olacaq.
2018-ci ildə yalnız 7 nəfər ölkə vətəndaşı müdafiə orderinin verilməsilə sığınacaqlara yerləşdirilməyi xahiş edib. Hüquqşünas Emil Abbasovun fikrincə, bu, vətəndaşların sosial passivliyi və həmin müəssisələrdə yerlərin azlığı ilə izah olunur.
Yeni yaradılan qrupların işçiləri müvafiq təşkilatların əməkdaşları üçün treninqlər keçirəcək, mətbuata məlumat verəcək və QHT-lərlə əməkdaşlıq edəcəklər.
Problem yaşanan ailələr haqqında məlumatlar toplanacaq, məişət zorakılığı barədə məlumatlar isə dövlət orqanlarına ötürüləcək. İşçi qruplarına yerli icra hakimiyyəti tərəfindən təyin olunmuş koordinatorlar rəhbərlik edəcəklər.
Təqdimat mərasimində çıxış edən deputat Fazil Mustafa məişət zorakılığına əsas səbəb kimi hakimiyyətin pis iş aparmasını və ya normativ sənədlərin olmamasını yox, əhalinin ümumi mədəni səviyyəsinin aşağı olmasını göstərib.
Qadınlara qarşı məişət zorakılığı valideynlərin qızlarının təhsilinə qadağan qoymasından başlayır. Bütün vətəndaşlar mütləq ən azı səkkizillik təhsil almalıdırlar, buna görə məsuliyyət dövlətin üzərinə düşür. "Təhsilli qadın özünə qarşı zorakılığın cəzasız qalmasına yol verməz", - deputat deyib.
Ekspert rəylərindən və dəqiqləşdirmələrdən sonra sənəd Azərbaycan hökumətinə təqdim ediləcək. -0-
Cəmiyyət
-
Azercell-in dəstəyi ilə şagirdlərimiz İT sahəsində uğurlu nəticələr göstərməyə davam edirlər Cari ilin sentyabr ayında məktəblilərimiz informatika fənni üzrə iki beynəlxalq olimpiadada ölkəmizi uğurla təmsil ediblər. Belə ki, 1-8 sentyabr 2024-cü il tarixlərində Misirin İsgəndəriyyə şəhərində məktəblilərin 36-cı Beynəlxalq İnformatika Olimpiadası (IOI), sentyabr ayının 8-12 aralığında isə Səudiyyə Ərəbistanın Ər-Riyad şəhərində dünyanın Birinci Beynəlxalq Süni İntellekt Olimpiadası (IAIO) baş tutub.
-
Bu gün, sentyabrın 16-da Azərbaycanda yeni tədris ili başlayıb. Məktəbəqədər və Ümumi Təhsil üzrə Dövlət Agentliyinin açıqlamasına görə, 2024-2025-ci tədris ili üzrə I sinfə 132 min 261 uşaq qəbul olunub. Bu, ötən ilin göstəriciləri ilə müqayisədə azdır. Elm və Təhsil Nazirliyinin məlumatına görə, 2023-2024-cü tədris ilində ölkənin ümumtəhsil məktəblərinin I sinfinə 137 min 862 uşaq qəbul olmuşdu.
-
Sentyabrın 17-də Bakıda və Abşeronda havanın buludlu olacağı gözlənilir, gecə və səhər bəzi yerlərdə yağış yağacaq. Bu barədə Milli Hidrometeorologiya Xidmətinin məlumatında deyilir. Şimal-şərq küləyi əsəcək. Havanın temperaturu gecə müsbət 15 + 20, gündüz müsbət 24 + 27 dərəcə olacaq.
-
Sentyabrın 15-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin səhər bəzi şəhərətrafı ərazilərdə qısamüddətli yağış yağacağı ehtimalı var. Mülayim şimal-şərq küləyi əsəcək. Havanın temperaturu gecə müsbət 19+22, gündüz müsbət 26+29 dərəcə olacaq, Milli Hidrometeorologiya Xidməti bildirib.
Rəy yaz