Mətbuat-Monitorinq 01.03.14

Rəsmi qəzetlər dövlət başçısı İlham Əliyevin Bakı Olimpiya stadionunda tikinti işlərinin gedişilə tanış olması, sərəncamlar imzalaması haqda xəbərləri ilk səhifələrə yerləşdiriblər.
      
“Azadlıq” qəzeti ABŞ Dövlət Departamentinin hesabatının Azərbaycana aid hissəsində “Azərbaycanda hökuməti dinc şəkildə dəyişmək hüququnun xalqın əlindən alınması” qənaəti “iqtidarı sarsıdan hesabat” adlandırılır.
Hüquq müdafiəçiləri və vəkillər AXCP gənclərinin həbslərini “neçə illərdir davam edən repressiyaların tərkib hissəsi” adlandırıblar.
Vergilər Nazirliyi “Qanun” nəşriyyatını 150 min manat cərimə edib. Qəzet Qubada nazir Kəmaləddin Heydərovun vətəndaşlarla medianın iştirakı olmadan qəbul keçirməsini “bağlı qapılar arxasında görüş” adlandırır.   

“Ekspress” ölkədə 1-5 yaşındakı uşaqların cəmi 15%-nin bağça ilə təmin olunduğunu önə çəkərək bunu “bağça çatışmaması” kimi dəyərləndirir.
    
“Novoe Vremya”  ABŞ Dövlət Departamentinin dünya ölkələrində insan haqlarının durumuna aid hesabatında Azərbaycanın tənqid edildiyi, rəsmi Bakının bunu qərəz saydığını yazır və iqtidarın mövqeyinə “ax, bu qərəzli Departament! O, Azərbaycan hakimiyyətindən nə istəyir?” ironiyasını sərgiləyir.
    
“Bizim yol” Nəqliyyat Nazirliyinin bütün özəl taksilərdə sayğac quraşdırılması haqda qərarını “şok qərar” adlandırır.
   
“Yeni Müsavat” Türkiyədə həbs edilən və dünən azadlığa çıxan iş adamı Rza Zərrabın “qara biznesi”nin Azərbaycan məmurlarına uzanması haqda xəbərləri ilk səhifəyə çıxarıb.
Qəzet Qərbin Azərbaycan və Türkiyəni parçalayaraq regionda ikinci erməni dövləti və ya Kürdistan yaratmaq planı olduğunu iddia edir.
Rəsmi Bakı ABŞ Dövlət Departamentinin hesabatının Azərbaycana aid tənqidi hissəsini “ABŞ-ın Azərbaycana qərəzli yanaşması” kimi dəyərləndirib.