Qanun nəşriyyat evi 150 min manat cərimələnib

Aparılan Vergi yoxlamalarının nəticəsi olaraq QANUN nəşriyyatı 150 min  manat cərimə olunub. Bu barədə   Turana  Qanun nəşriyyat evinin  rəhbəri Şahbaz Xuduoğlu deyib.

   Onun sözlərinə görə  cərimə olunmasınnı səbəbi əlavə dəyər vergisinin  ödənilməməsi olub.

Həmçinin  Vergilər Nazirliyi, Vergi Cinayətlərinin ibtidai Araşdırılması Departamentində İstintaq idarəsində cinayət işi başlanıb.

Şahbaz Xuduoğlu  onu da  qeyd edib ki ,istintaqa şahid qismində  ifadə verəcək.

Eyni zamanda fevralın 28-də 1 saylı Bakı inzibati-iqtisadi məhkəməsinin hakimi hakimi Elçin Məmmədov Qanun Nəşriyyatının iddasını təmin etməmək barədə qərar çıxarıb.

Noyabrın 1-də Vergilər Nazirliyinin 20-ə yaxın əməkdaşı “Qanun” Nəşrlər Evinə gələrək vergi yoxlaması adı altında qurumun xeyli sənədini və kömpüterlərini  aparıb.

Şahbaz Xuduoğlu bildirib ki, bütün instansiya məhkəmələrini keçdikdən sonra Avropa  İnsan Haqları Məhkəməsinə müraciət edəcək.

Qanun Nəşriyyta evinə qarşı  cinayət  işinin açılmasını isə o, bildirib ki,  burada  əsas məqsəd nəşriyyatı batırmaqdır.

Cərimənin ödənilməsinə gəldikdə isə  naşir  “onu ödəməyə nə fikrim var nə də gücüm”deyərək, həbs olunmasını da istisna etməyib.-0-