Мубариз Гурбанлы
Bakı/18.12.17/Turan: 2018-ci ildən Mənəvi Dəyərlərin Təbliği Fondu vasitəsilə məscidlərdə çalışan din xadimləri rəsmi şəkildə əməkhaqqı alacaqlar. Bu barədə jurnalistlərə Dini Qurumlarla İş üzrə Dövlət Komitəsinin sədri Mübariz Qurbanlı bildirib.
Hazırda əməkhaqqının məbləği və kimlərə verilməsi məsələsi müzakirə olunur. Əməkhaqqı Qafqaz Müsəlmanları İdarəsi (QMİ) tərəfindən məscidlərə təyin olunan imamlar, imam naiblər və bu kimi vəzifə daşıyan digər şəxslərə həmin idarənin təqdimatı ilə veriləcək.
Mənəvi Dəyərlərin Təbliği Fondu bu il prezident İlham Əliyevin sərəncamı ilə yaradılıb.
M.Qurbanlının sözlərinə görə, Fond 2018-ci ilin yanvarından fəaliyyət göstərəcək. Əmək haqları fevraldan veriləcək.
Yaxın vaxtlarda Himayəçilər Şurasının üzvləri və rəhbərliyi açıqlanacaq.
QMİ ölkənin 2000 məscidində təxminən 500 din xadimi təyin edib.
Din xadimlərinin maliyyələşdirilməsi ideyasının müəllifləri düşünürlər ki, onların qarşısında dövlət vəsaiti hesabına cəhalətin yayılmaması üçün işlər görmək, maarifçiliklə məşğul olmaq vəzifəsi qoyulur.
Ancaq müstəqil müşahidəçilər bunda başqa motivlər görürlər - dindarların dövlətdən maliyyə asılılığını yaratmaq və bununla onların hakimiyyətə loyallığını təmin etmək.-06C--
Cəmiyyət
-
Yanvarın 14-də Ermənistan və Amerika Birləşmiş Ştatları (ABŞ) arasında strateji tərəfdaşlıq haqqında xartiya imzalandı. ABŞ Dövlət katibi Antoni Blinken bu sənədlə bağlı danışarkən vurğulayıb ki, onlar Ermənistanla onun suverenliyi və ərazi bütövlüyünü qorumaq üçün səyləri gücləndirmək üzərində işləyirlər. O, strateji tərəfdaşlıq haqqında sənədin “daha dayanıqlı, dinc, təhlükəsiz və müstəqil” Cənubi Qafqazın yaradılmasına töhfə verəcəyinə əminliyini ifadə edib.
-
Məmnuniyyətlə bildiririk ki, saytın normal fəaliyyəti artıq tam şəkildə bərpa olunub.
-
Kömək üçün Turan agentliyinə müraciət edən və adının açıqlanmasını istəməyən zərərçəkən bildirib ki, 2024-cü ilin iyulunda öz evinin rekonstruksiyası üçün "DREAM CONSTRUCTİON Azerbaijan" şirkəti ilə rəsmi müqavilə bağlayıb: "Bu 58 000 manatlıq müqavilə idi. Mən “Algaplaza”da şirkətin ofisində 44 000 manat ödədim və qalan məbləği də açarları təhvil verərkən ödəmək niyyətində idim.
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
Rəy yaz