Müdafiə Nazirliyi: Azərbaycan ordusu üzrə 160 000 medaldan hələ 13 300 medal təqdim edilib
Bakı/06.07.21/Turan: İyulun 6-da Müdafiə Nazirliyində şəhid valideynləri və bir qrup Vətən Müharibəsi iştirakçısı ilə görüş keçirilib. Bu barədə Turan-a Müdafiə Nazirliyindən məlumat verilib.
Görüşdə müvafiq sərəncamlarla təltif olunanların medallarının təqdim olunmaması məsələsi sorğu edilib.
Görüş iştirakçılarının nəzərinə çatdırılıb ki, onların hər biri Azərbaycan prezidentinin sərəncamları ilə bir neçə medalla təltif olunub.
Qeyd olunub ki, 2020-ci ilin dekabr ayında və 2021-ci ilin iyun ayında elan olunmuş sərəncamlarla verilmiş medallar artıq hazırlanır və onların aidiyyatı üzrə təqdim olunması prosesinə başlanılıb.
Bu günədək Azərbaycan ordusu üzrə 160.000 medaldan yalnız 13.300 medal aidiyyatı üzrə təqdim olunub. Qeyd edək ki, təltif olunanların sayının çox olması səbəbindən medalların hazırlanma prosesi müəyyən vaxt aparacaq.
Vurğulanıb ki, şəhid ailələri və qazilər dövlətin daim diqqət mərkəzindədir.
"Müdafiə Nazirliyi və hərbi hissələrin nümayəndələri bu kateqoriyadan olan ailələri mütəmadi ziyarət edirlır, onların qayğıları və problemləri ilə maraqlanırlar. Əlavə məsələlərlə bağlı müraciət edənlər isə nazirliyin rəsmiləri tərəfindən qəbul olunur və qaldırdıqları problemlərin həlli ilə bağlı müvafiq tədbirlər görülür", - tədbir zamanı qeyd olunub.-0-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz