Bakı/23.11.17/Turan: Bu gün təmas xəttində tapılmış Azərbaycan hərbiçisinin cəsədi 1988-ci il təvəllüdlü Cəlilbəyli Bəhruz Pərviz oğluna aiddir. Cəsəd Naxçıvanın Ordubad rayonu istiqamətində, Ermənistan SQ-nin mövqeləri yaxınlığında aşkar edilib, bu barədə Azərbaycan Müdafiə Nazirliyinin mətbuat xidmətinin cümə axşamı yaydığı məlumatda deyilir.
Mənbənin məlumatına görə, Cəlilbəyli hərbi cinayət törətdikdən sonra özbaşına hərbi hissəni tərk edib. O, həqiqi hərbi xidmətə 2017-ci ilin yanvarında çağırılmışdı.
Hərbiçinin Ermənistan mövqeləri yaxınlığına necə getdiyi və hansı cinayəti törətdiyi açıqlanmır.
Öz növbəsində, Azərbaycanın hərbi əsirlərin və girovların işləri üzrə Dövlət Komissiyası həlak olan şəxsin cəsədinin alınmasında köməklik göstərilməsi xahişi ilə beynəlxalq təşkilatlara müraciət edib. -02D-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz