![Açiq mənbələrdən foto.](https://turan.az/resized/media/2023/main/071200064264-750-500-resize.webp)
Açiq mənbələrdən foto.
Müdafiə tərəfi Bəxtiyar Hacıyevin girov müqabilində azad edilməsi barədə vəsatət qaldıracaq
Bakı/12.07.23/Turan: Yaxın günlərdə müdafiə tərəfi ictimai fəal Bəxtiyar Hacıyevin əmlak girovu müqabilində azad edilməsi barədə vəsatətlə Xətai Rayon Məhkəməsinə müraciət edəcək.
Bu qətimkan tədbiri təqsirləndirilən şəxsin ev dustaqlığına buraxılmasını nəzərdə tutur.
Bu barədə Turan-a vəkil Cavad Cavadov 1 saylı Bakı İstintaq Təcridxanasında Hacıyevlə görüşdən sonra bildirib.
Bundan əlavə, müdafiə tərəfi Hacıyevə qarşı yeni ittihamlarla bağlı Avropa İnsan Hüquqları Məhkəməsinə əlavə şikayətlə müraciət edəcək.
Vəkil deyib ki, Bəxtiyar Hacıyevin əhval-ruhiyyəti yaxşıdır, özünü yaxşı hiss edir.
*Dekabrın 9-da Bəxtiyar Hacıyev xuliqanlıq və məhkəməyə hörmətsizlik ittihamı ilə saxlanılıb. Həmin gün Xətai Rayon Məhkəməsi onu 1 ay 20 gün həbs edib.
9 yanvar 2023-cü ildə Apellyasiya Məhkəməsi onu azad etməkdən imtina edib və o, aclığa yenidən başlayıb. Yanvarın 21 – də məhkəmə Hacıyevin həbs müddətini bir ay, fevralın 23 - də isə daha iki ay-aprelin 28-dək uzadıb.
Fevralın 28-də-aclığın 51-ci günündə Hacıyev aclığı dayandırıb.
ABŞ Dövlət Departamentinin, ABŞ Senatının, Avropa İttifaqının, Avropa Şurasının və bir sıra beynəlxalq qeyri-hökumət təşkilatlarının nümayəndələri dəfələrlə Hacıyevin həbsdən azad edilməsini tələb ediblər.
İyunun 16-da ona qarşı qanunsuz sahibkarlıq, cinayət yolu ilə əldə olunan gəlirlərin leqallaşdırılması, sənədlərin saxtalaşdırılması və qaçaqmalçılıqla bağlı yeni ittihamlar irəli sürülüb.
Azərbaycanlı fəal Bəxtiyar Hacıyevə qarşı irəli sürülən yeni ittihamlar Avropa hüquq-müdafiə təşkilatından qrant alınması ilə bağlıdır, Reportyorların Azadlıq və Təhlükəsizlik İnstitutu bildirib. Təşkilat ki, Bəxtiyar Hacıyevlə bağlı hadisənin presedent olacağından ehtiyat edib, belə ki, bundan sonra digər fəallara və hüquq müdafiəçilərinə qarşı oxşar ittihamlarla təqib dalğası başlaya bilər.16B06
-
- Cəmiyyət
- 12 İyul 2023 17:33
Cəmiyyət
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
-
Yeni xidmət şirkətlərə korporativ cihazları vahid həll vasitəsilə effektiv şəkildə idarə etmək imkanı verir İnnovativ məhsulları ilə müştərilərinin kibertəhlükəsizlik imkanlarını gücləndirməyi hədəfləyən Azercell Biznes “Mobil Cihazların İdarə Edilməsi” həllini istifadəyə verir. İş tapşırıqlarının məsafədən yerinə yetirilməsi məqsədi ilə əməkdaşlarını smartfon, planşet, əl terminalları və s. mobil cihazlarla təmin edən şirkətlər bu yenilikdən faydalana biləcək.
-
Azərbaycanda sentyabrın 1-də keçiriləcək növbədənkənar parlament seçkiləri ilə bağlı 950-ə yaxın müşahidəçi qeydə alınıb. Bunu iyulun 24-də Mərkəzi Seçki Komissiyasının (MSK) sədri Məzahir Pənahov deyib: "İyulun sonunda Avropada Təhlükəsizlik və Əməkdaşlıq Təşkilatının (ATƏT) uzunmüddətli müşahidəçiləri da Azərbaycana gələcək".
-
Hərbi prokurorluq Naxçıvanda yerləşən hərbi hissələrdən birinin komandiri olan Samir Həziyevi həbs edib.
Rəy yaz