Açiq mənbələrdən foto.
"Müdafiə xətti" Azərbaycanda insan hüquqlarının pisləşdiyini bildirir
Bakı/12.09.23/Turan: “Son üç ayda Azərbaycanda Azərbaycan Konstitusiyasının, İnsan Hüquq və Azadlıqlarının Müdafiəsi haqqında Konvensiyanın, Ümumdünya İnsan Hüquqları Bəyannaməsinin, Mülki və Siyasi Hüquqlar haqqında Beynəlxalq Paktın müddəalarına əməl olunmayıb, xüsusilə siyasi azadlıqlar kobud şəkildə pozulub". Bu barədə "Müdafiə xətti" hüquq-müdafiə təşkilatının 2023-cü ilin iyun-avqust aylarında insan hüquqları ilə bağlı hesabatında deyilir.
Əsasən, Konstitusiyanın hüquq və azadlıqlar, hamının qanun və məhkəmə qarşısında bərabərliyi, ədalətli mühakimə hüququ, şərəf və ləyaqətin qorunması, sərbəst toplaşma, vicdan, ifadə, mətbuat və informasiya azadlığı ilə bağlı müddəaları kobud şəkildə pozulub.
Qanunsuz cəzalar praktikası tətbiq olunub. Azərbaycan hökuməti hüquqi və siyasi islahatlara, azad medianın, vətəndaş cəmiyyəti institutlarının inkişafı üçün şəraitin yaradılmasına, habelə siyasi sistemin inkişafına maraq göstərməyib.
Əksinə, rejimin tənqidçilərinə qarşı repressiyalar güclənib, işgəncə və qeyri-insani rəftar faktları artıb. Jurnalistlərin, fəalların, siyasətçilərin, dindarların həbsi adi hala çevrilib.
Ölkədə siyasi məhbusların sayı 200 nəfəri keçib.
Dövlət aparatında korrupsiya sistemli hal olaraq qalır.
«Korrupsiyaya qarşı mübarizənin gücləndirilməsi sahəsində 2022-2026-cı illər üçün Milli Fəaliyyət Planı formal-deklarativ xarakter daşıyır. 2005-ci ildə qəbul edilmiş korrupsiyaya qarşı mübarizə haqqında qanun, həmçinin vəzifəli şəxslərin və onların ailə üzvlərinin əmlakı, maliyyəsi haqqında məlumatların bəyan edilməsi qaydalarına əməl olunmur, bu məlumatlar açıq mənbələrdə dərc edilmir.
Nəticədə Transparency International təşkilatının Korrupsiya Qavrama İndeksində Azərbaycan dünyanın 157 ölkəsi arasında 180-ci yeri tutur.
Dindarlara, xüsusən də "Müsəlman Birliyi" Hərəkatının fəallarına qarşı repressiv tədbirlərə də diqqət yetirilir.
Həbs olunan dindarlar, bir qayda olaraq, narkotik maddələrin qanunsuz alverində ittiham olunurlar, hökumətin nəzarətində olan KİV isə onları "casuslar" və "satqınlar "kimi təmsil edir.
Azərbaycanla İran arasında münasibətlərin gərginləşməsi fonunda bu dindarlar uydurma ittihamlar əsasında cəmiyyətdən təcrid olunublar. Saxlandıqdan sonra psixi və fiziki təzyiqlərə məruz qalıblar. Bəzi hallarda onları təcavüzlə təhdid ediblər.
Hesabatda siyasi partiyalara tətbiq olunan cəzalara da diqqət yetirilib. "Avropa Şurasının Venesiya Komissiyası və ATƏT-in Demokratik Təsisatlar və İnsan Hüquqları Bürosu tərəfindən tənqid olunan "Siyasi partiyalar haqqında" yeni qanun qüvvəyə mindikdən sonra İnzibati Xətalar Məcəlləsinə dəyişiklik edilib.
Yeniliklərə əsasən, səlahiyyət müddəti bitmiş partiyanın fəaliyyətilə bağlı istənilən hərəkətə görə 700 manatdan 1000 manatadək cərimə tətbiq edilir.
Bu və digər mürtəce hüquqi normaların qüvvəyə minməsi Azərbaycanda siyasi fəaliyyətə icazə verən sistemin qurulduğundan xəbər verir ki, bu da fundamental azadlıqları sarsıdır, "Müdafiə xətti"nin sənədində deyilir. 06
-
- İqtisadiyyat
- 12 Sentyabr 2023 13:49
-
- Cəmiyyət
- 12 Sentyabr 2023 14:52
Cəmiyyət
-
İyulun 17-də polisə Abşeron rayonu Saray qəsəbəsində yerləşən evlərdən birindən içərisində 130.000 ABŞ dolları və 700 qram qızl-zinət əşyaları olan seyfin oğurlanması barədə məlumat daxil olub.
-
Çərşənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin axşama doğru bəzi yerlərdə arabir yağış yağacağı proqnozlaşdırılır. Mülayim cənub-qərb küləyi əsəcək, gündüz şimal-qərb küləyi ilə əvəzlənəcək. Havanın temperaturunun gecə 21-26 dərəcə, gündüz 30-35 dərəcə isti, rütubətin 60-70% olacağı bildirilir.
-
İyulun 22-də Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının İşçi qrupunun və dövlət orqanlarının əməkdaşlarından ibarət komissiya üzvlərinin iştirakı ilə Dövlət Sərhəd Xidməti tərəfindən qanunsuz dövriyyədən çıxarılan narkotik vasitələrin məhv edilmə prosesi həyata keçirilib.
-
Polis Azərbaycanın xalq artisti Ağadadaş Ağayev barəsində araşdırmaya başlayıb.
Rəy yaz