Açiq mənbələrdən foto.
“Müdafiə xətti” insan hüquqlarının pisləşdiyini bildirir
Bakı/30.12.22/Turan: Oktyabr-dekabr aylarında ölkədə insan haqları ilə bağlı vəziyyət xeyli pisləşib, "Müdafiə xətti" hüquq- müdafiə təşkilatının hesabatında deyilir.
Azərbaycanda saxta ittihamlar əsasında siyasi motivli təqiblər artıb.
“Məhkəmələr, hüquq- mühafizə orqanları siyasi hakimiyyətin təsir və təzyiqi altında fəaliyyət göstərib, müxalif fəallara qarşı sifarişli qərarlar çıxarıblar. Qanunverici orqan icra hakimiyyətinin davamı kimi diqqət cəlb edib”, - hesabatda qeyd olunur.
Azərbaycan Respublikası Konstitusiyasının III fəslində təsbit edilmiş əsas insan və vətəndaş hüquqları və azadlıqları, xüsusilə, hamının qanun və məhkəmə qarşısında bərabərliyi, ədalətli mühakimə, söz və fikir azadlıqları pozulub, qanunsuz cəzalandırmalar geniş vüsət alıb.
“Polis idarə və şöbələrində, cəzaçəkmə müəssiələrində, istintaq təcridxanalarında pis rəftarlar, işgəncə halları qeydə alınıb”, - sənəd müəllifləri qeyd edirlər.
Ölkədə faktiki olaraq sərbəst toplaşmaq azadlığı qadağan edilib. Piket və mitinqlərə icazə verilmir, müxalifət dinc nümayişlər keçirəndə isə polis iştirakçılara qarşı qeyri-adekvat zorakılıq tətbiq edir.
Siyasi partiyaların fəaliyyəti yeni maneələrlə üzləşir.
“Parlamentin qəbul etdiyi “Siyasi partiyalar haqqında” yeni qanun qüvvəyə minərsə, siyasi həyatda iştirak hüququ ciddi şəkildə məhdudlaşdırılacaq. Hökumət idarəetmədə sərtliyə üstünlük verir, siyasi və hüquqi sahədə demokratik islahatlara hazır deyil”, - hesabatda vurğulanır. 06B
-
- İqtisadiyyat
- 30 Dekabr 2022 13:59
-
- Maliyyə
- 30 Dekabr 2022 14:08
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz