Qazilər
Müharibə əlilləri onları döyən polislərin cəzalandırılmasına nail ola bilmirlər
Bakı/28.02.22/Turan: İkinci Qarabağ müharibəsinin iştirakçısı olmuş üç əlil 2022-ci il fevralın 28-də veteranları döyülməsinin araşdırılması və təqsirkarların cəzalandırılması tələbi ilə Azərbaycan Baş Prokurorluğu qarşısında etiraz aksiyası keçiriblər. Aksiya iştirakçısı Ruslan Məmmədovun Turan-a verdiyi məlumata görə, Baş Prokurorluq binasının girişində digər aksiya iştirakçıları saxlanılıb.
Məmmədovun sözlərinə görə, yanvarın 11-də bir neçə polis Məmmədov və digər veteran Ağabala Vəliyevin icarə götürdüyü kafedə nahar edirdilər. Polis serjantları yemək yeyib, ödəniş etməkdən getmək istəyiblər. Kafe sahibi olan müharibə veteranları qəzəbləniblər və ödəniş tələb ediblər. Polis və veteranlar - Ruslan Məmmədov, Ağabala Vəliyev, Vüqar Vəliyev, Türk Eyvazzadə arasında münaqişə qızışıb. Elə həmin axşam bütün veteranlar karantin rejimini pozmaq ittihamı ilə evlərindən aparıblar. Səbail rayon 13-cü polis bölməsində müharibə iştirakçılarının qollarını burublar və döyüblər.
Onlara pandemiya rejimi qaydalarını pozduqlarına görə cərimə olunduqlarını bildiriblər. Amma cərimə sənədləri təqdim edilməyib.
"Döyülmə izlərinə dair ekspertiza nəticələri, küçə videokameralarının görüntüləri, veteranların şikayətləri var. Amma Sabunçu rayon prokurorluğu bizim müraciətlərimizə baxmır. Biz telefonla məlumat ala bilmirik, bizi hər gün qorxudaraq polislərə qarşı şikayətdən imtina etməyi tələb edirlər. Biz yalnız qanunun icra edilməsini tələb edirik", deyə Ruslan Məmmədov bildirib.
Aksiya zamanı iştirakçılar Baş Prokurorluğa dəvət edilib. Orada onları şikayətlərin qəbulu şöbəsinin müdiri qəbul edib. Məmmədovun sözlərinə görə, veteranlara müraciətlərinin qanuna uyğun şəkildə araşdırılacağı vəd edilib. -0-
-
- Maliyyə
- 28 Fevral 2022 14:00
Cəmiyyət
-
Bakıda Dövlət Yol Polisinin mobil patrulları taksi sürücülərini müvafiq icazələr əsasında işə cəlb etmək və taksidə yeni iş qaydalarını izah etmək üçün reydlər keçirirlər. Reydlərdə Azərbaycan Yerüstü Nəqliyyat Agentliyi (AYNA) iştirak edir, - Bakı Şəhər Dövlət Yol Polisi İdarəsi bildirir. Eyni reydlər Sumqayıt şəhərində də müşahidə olunub.
-
Uzun illərdir Xəzər dənizinin səviyyəsinin azalması həm hidroloqların, həm də geniş ictimaiyyətin ciddi narahatlığına səbəb olub. Azərbaycanda dəniz səthinin xeyli azalması Sumqayıtda və Bakı Dəniz Bulvarı boyunca dənizin dayazlaşması ilə özünü büruzə verirdi. Lakin son vaxtlar hava şəraiti yeni ümidlər yaradıb.
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
Rəy yaz