Açiq mənbələrdən foto.
Bakı/21.08.20/Turan: 2018-ci ildə həbs edilmiş və bir il müddətinə azadlıqdan məhrum edilmiş Müsavat Partiyasının üzvü Azad Həsənovun ölkədən çıxması qadağan edilib. Bu barədə Turan-a Həsənov özü bildirib.
Onun sözlərinə görə, cəza müddətinin başa çatmasına baxmayaraq, onu ölkədən buraxmırlar.
“Keçən ilin avqust ayında həbsdən azad olunmuşam, bu ilin aprelində məhkəmə tərəfindən təyin edilmiş sınaq müddəti bitib. Bununla bağlı Suraxanı rayon icra və probasiya şöbəsindən müvafiq sənədim də var. İyulun 24-də ölkəni tərk edib Litvaya ailəmin yanına getmək istəyərkən hava limanında sərhəd xidmətinin əməkdaşları məni saxladı. Dedilər ki, Daxili İşlər Nazirliyi ölkədən çıxışıma qadağa qoyub”, deyə Həsənov bildirib.
Həmin vaxtdan etibarən o, dəfələrlə DİN-ə müraciət edib, amma hələ də qadağanın səbəbləri haqqında rəsmi izahat ala bilməyib.
Xatırladaq ki, Həsənov 2018-ci ilin oktyabrında xəstə atasına baş çəkmək üçün Litvadan qayıdarkən saxlanılıb. Ona qarşı CM-in 234.4.3-cü (külli miqdarda narkotik maddə əldə etmə, daşıma və ya saxlama, satış məqsədilə olduqda) maddəsilə ittiham irəli sürülüb.
Hüquq müdafiəçiləri Həsənovu siyasi məhbus kimi tanıyıblar.
2019-cu ilin avqustunda məhkəmə onu 1 il müddətinə azadlıqdan məhrumetmə cəzasına məhkum edib, qalan iki ay həbs müddətini 2020-ci ilin aprelinə qədər sınaq müddəti olmaqla, şərti cəza ilə əvəz edib. -21B06-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz