Bakı/08.01.19/Turan: Müsavat Partiyasının qərargahında Mehman Hüseynova və bütün siyasi məhbuslara azadlıq tələbi ilə aclıq aksiyası davam edir.
Aksiya iştirakçılarından biri Tofiq Yaqublu Turan-a bildirib ki, aclığın ilk günündən hakimiyyət Müsavat Partiyasının ofisi üçün problemlər yaratmağa başlayıb. "Dünən gecədən işıqları söndürüblər, bu səbəbdən otaq soyuyub. Mobil telefonlar sönmək üzrədir. Amma aksiya davam edir", - o bildirib.
Onun sözlərinə görə, dünən axşam Fatimə Mövlamlının səhhəti pisləşib. Başgicəllənmə əmələ gəlib, təcili yardım çağırıblar. Həkimlər aclıq edənlərin hamısının təzyiqini ölçüblər. F.Mövlamlının durumu yaxşılaşandan sonra həkimlər gediblər.
Hazırda T.Yaqublu ilə yanaşı daha 6 nəfər aclığı davam etdirir. Onların arasında aclığa yanvarın 2-də başlamış Tofiq Məmmədov, aksiyaya yanvarın 6-da qoşulan Fatimə Mövlamlı, Elşad İsrafilov, Yaşar Ferazi, Fuad Rəhimli və Leyla Babayeva var.
Rəsmi orqanlar hələlik aclıq aksiyasına reaksiya verməyiblər.-05B06--
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz